Bu ilin ən yaxşı 5 smartfonunun adı açıqlandı
Elm & Texnologiya
27.08.2018
Farid Pardashunas
Baxmayaraq ki, ilin sonuna kimi hələ
bir xeyli vaxt var və bir sıra şirkətlər öz yeni smartfon modellərinin təqdimatlarına
hazırlaşırlar, Business Insider saytı özünün 2018-ci ilin ən yaxşı 5 smartfon
reytinqini tərtib edib. Maraqlısı ondadır ki, sözügedən reytinqə müxtəlif qiymət
göstəricisində olan smartfon modelləri daxil olublar. Birinci yerdə qərarlaşmış
cihaz isə ümumiyyətlə təəccübləndirib.
Beləliklə Business Insider-in fikrincə
bu ilin ən yaxşı 5 smartfon siyahısında birinci yeri OnePlus 6 cihazı tutur.
Saytın fikrincə bu, 530$-a alına biləcək ən yaxşı smartfon modelidir.
Smartfonun yaxşı özəllikləri arasında onun böyük OLED ekranı, yüksək keyfiyyətli
kameraları və sürətli şarj texnologiyası var. Smartfon Snapdragon 845
prosessoru və 6 GB RAM ilə təchiz olunub. Saytın fikrincə bu özəlliklər OnePlus
6-nı bu ilin ən yaxşı multimedia cihazı edir.
İkinci yerdə Samsung şirkətinin
yeni flaqman modeli olan Galaxy Note 9 qərarlaşıb. Cihazın əsas özəllikləri
arasında 6.4 inç ölçüsündə olan yüksək keyfiyyətli AMOLED ekran, təkmilləşdirilmiş
ikili arxa kamera, böyük həcmli daxili yaddaş göstəricisi, smartfonu blokdan
çıxartmaq üçün genişləndirilmiş imkanlar, böyük həcmli batareya və sürətli şarj
texnologiyası var. Üstünlüklər arasında həmçinin sudan və tozdan yüksək qorunma
funksiyası və 3.5 mm-lik audiogirişin olması göstərilib. Qeyd etmək lazımdır
ki, şirkətin yeni flaqman modelinin qiyməti 1000$-dan başlayır.
Üçüncü yeri Galaxy S9 smartfon
modeli tutub. Sözügedın smartfona üçüncü yeri laiq görmüş özəlliklər arasında
keyfiyyətli ekran, ürək döyüntülərinin təyin olunması texnologiyası və naqisliz
şarj texnologiyası var. Business Insider həmçinin Galaxy S9-un dizaynını da
yüksək qiymətləndirərək onu ən cəlbedici smartfonlardan biri adlandırıb. Bu
smartfonun qiyməti isə 720$-dan başlayır.
Dördüncü yeri LG G7 ThinQ modeli
tutub. Xarici görünüşcə bu smartfon iPhone X-ə bənzəyir. “Əgər iPhone X Android
əməliyyat sistemi əsasında çalışsa idi onun adı Lg G7 ThinQ olardı” – deyə sayt
bildirib. Smartfonun əsas özəllikləri arasında yüksək keyfiyyətli səs,
genişbucaqlı kamera, Snapdragon 845 flaqman prosessoru və naqilsiz şarj
texnologiyası var. Bundan əlavə olaraq smartfon iPhone X-dən daha ucuz qiymətə
satılır. Belə ki, onun qiyməti 750$ təşkil edir.
Reytinqdəki sonuncu yeri Motorola
şirkətinin Moto G6 modeli tutub. Baxmayaraq Moto G6 bu reytinqdə ən ucuz qiymət
göstəricisinə sahibdir, Business Insider onun yaxşı kamera özəlliklərini qeyd
edib. Bundan əlavə olaarq smartfonun əsas özəllikləri arasında həmçinin uzun
müddət ərzində enerji saxlayan batareya, Snapdragon 450 prosessoru və sürətli
şarj texnologiyası var.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)