Büdcəli Meizu M6, rəsmi olaraq təqdim olundu (VİDEO)
Elm & Texnologiya
20.09.2017
Farid Pardashunas
Gözlənildiyi kimi “Meizu” şirkəti, Çində keçirilmiş təqdimat zamanı büdcəli Meizu M6 smartfonunu təqdim etdi.
Smartfon, metalı xatırladan rəngə sahib polikarbonat
korpusdan ibarətdir. Batareya tutumu və ön kamerasından başqa Meizu M6, göstəricilərinə
görə əvvəlki modellərə bənzəyir. Texniki göstəricilərinə gəldikdə isə Meizu M6,
5.2 inç HD ekran, 1.5 GHz tezlikli Helio P10 prosessoru, 2/3 GB RAM, 16/32 GB
daxili yaddaş, 3070 mAh enerji tutumlu batareya, 13 MP-lik arxa və 8 MP-lik ön
kamera ilə təchiz olunub.
Bununla yanaşı smartfonun sahib olduğu mTouch düyməsi,
barmaq izi skanı texnologiyası ilə inteqrasiya edilib. Smartfon, Android 7
Nougat əməliyyat sistemi vasitəsilə çalışır. 3070 mAh enerji tutumlu batareya
sayəsində istifadəçi, 10 saata qədər mobil oyun oynaya, 5 saat müddətində
videoçəkiliş edə və 86 saata yaxın musiqiyə qulaq asa bilər. Çində Meizu M6 bu
ayın sonunda satışa çıxacaq. 16 GB daxili yaddaşa sahib versiya, 107$, 32 GB
daxili yaddaşa sahib versiya isə 137$ qiymətinə satılacaq.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!