Bütün ICO-lardan yığılmış ümumi vəsaitin 10%-i oğurlanıb

Bu cür nəticəyə “Ernst & Young” şirkətinin analitikləri gəliblər. Bu barədə Reuters saytı xəbər verib. Şirkətin analitikləri 372-dən çox keçirilmiş ICO məlumatlarını analiz ediblər. Tədqiqata əsasən bütün ICO-lardan əldə olunmuş ümumi 3.7 milard dollar vəsaitdən 400 milyon dolları ya itirilib yada hackerlər tərəfindən oğurlanıb. Çox zaman bu cür oğurluq hadisələrində hackerlər fishing (dələduzluq vasitəsilə vəsaitlərin ələ keçirilməisi) üsuluna əl atırlar. Bu üsul sayəsində hackerlər keçirilmiş hansısa ICO-dan 1 ay ərzində 1.5 milyon dollar vəsait qazana bilərlər.

Şirkət analitikləri həmçinin ölkələr üzrə keçirilmiş ICO-lardan cəlb olunmuş yüksək məbləğləri də hesablayıblar. Birinci yerdə ABŞ-dan olan layihələr qərarlaşıb. Onlar ümumilikdə 1 milyard dollar vəsait cəlb ediblər. İkinci yeri Çin (452 milyon dollar), üçüncü yeri isə Rusiya Federasiyası (310 milyon dollar) tutub. Tədqiqat çərçivəsində həmçinin məlum olub ki, ICO vasitəsilə cəlb olunan vəsaitlərin miqdarı aşağı düşür. 2017-ci ilin İyun ayında ICO-ların 90%-i lazımi vəsaiti yığmışdılar. Lakin Noyabr ayında bu göstərici 25%-ə düşmüşdü. Şirkətin məlumatına əsasən son zamanlarda ICO-nun qarşılaşdığı əsas problemlərdən biri də layihələrin aşağı keyfiyyətli olmalarıdır.