Çərçivəsiz HTC U11 Plus-ın dizaynı və texniki göstəriciləri haqqında məlumatlar sızdırıldı
Elm & Texnologiya
02.10.2017
Farid Pardashunas
Keçən ay “Google” ilə “HTC” şirkətləri, vacib bir müqavilə bağlamışdılar.
Həmin müqaviləyə əsasən “Google”, “HTC”nin
bir hissəsini aldı və şirkətin 2000-dən çox işçisi, “Google”a keçdi. Lakin bu
müqavilənin bağlanmağı heç də “HTC”nin sonu demək deyildi. İndi isə şirkət
özünün flaqman modeli olan U11-in çərçivəsiz ekran versiyasını təqdim etməyə
hazırlaşır. Gizchina.com saytının məlumatına əsasən yeni versiyanın kod adı Ocean Master-dir.
Həmçinin
HTC U11 Plus adı ilə də tanınan yeni versiyanın texniki göstəriciləri və
dizaynı, internetə sızdırılıb. Beləliklə U11 Plus modeli, 5.99 Quad HD ekran, 8
nüvəli Snapdragon 835 prosessoru, 64/128 GB daxili yaddaş, 12 MP-lik arxa və 8
MP-lik ön kamera ilə təchiz olunacaq. Yenilənmiş smartfon, Android 8.0 Oreo əməliyyat
sistemi vasitəsilə çalışacaq. Məlumata əsasən U11 Plus, 11 Noyabr tarixində təqdim
olunacaq. Cihaz bu seriyanın yeni flaqman modeli olacaq və 4 ay bundan öncə
satışa çıxmış adi U11-i seriyadan çıxardacaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)