Sızdırılmış məlumatlara əsasən Nokia 10 barmaq izi skanının inteqrasiya olunduğu ekrana, Face ID texnologiyasına, Snapdragon 845 prosessoruna, Adreno 630 qrafik sürətləndiricisinə, 8 GB RAM-a və USB Type-C girişinə sahib olacaq. Həmçinin yeni smartfon ikili arxa kamera, Quick Charge 4.0+ texnologiyasını dəstəkləyən batareya, sudan və tozdan qorunan korpus ilə təchiz olunacaq. Beləliklə məlumata əsasən Nokia 10-nu suda 2 metr dərinliyə endirmək mümkün olacaq. Əgər bütün bu məlumatlar düz olsa, onda Nokia 10 rahatlıqla Galaxy S9, LG G7, HTC U12 və digər modellərlə rəqabət apara biləcək.