Görünür, Elon Musk-ın peyk interneti layihəsi olan Starlink təkcə Amazon-un keçmiş CEO-su Jeff Bezosu deyil, həmçinin Çin hökumətini də narahat edir. Reuters saytının verdiyi məlumata əsasən artıq bu il Starlink layihəsinin Çin analoqu istifadəyə verilməlidir. Məlumatda qeyd edilib ki, Çinin istifadəyə verəcəyi peyk interneti layihəsi internet şəbəkəsini Yer kürəsinin aşağı orbitindən paylayacaq. Məlumatda qeyd edilib ki, Çinin hərbi-sənaye kompleksi bu ilin sonuna kimi Yer kürəsinin ən aşağı orbitində çalışmaq üçün nəzərdə tutulmuş peyklərin ilk partiyasını işə salacaq. Bu cür peyklərin istehsalı ucuz başa gəlir və daha yüksək orbitlərdə yerləşən peyklər ilə müqayisədə onlar məlumatların ötürülməsini daha effektiv şəkildə reallaşdırırlar. Məlumatda qeyd edilib ki, artıq bu ilin sentyabr ayında China Aerospace Science and Industry Corp (CASIC) adlı dövlət aerokosmik şirkəti aşağı orbitdə çalışmaq üçün nəzərdə tutulmuş peykləri işə salacaq. İstifadəyə veriləcək peyklərin sayı bilinmir. Lakin məlumdur ki, onlar Yer kürəsi səthindən 150-300 km hündürlükdə yerləşəcəklər.

Bənzər xəbər

Elon Musk, Starlink internet şəbəkəsinin test müddətini açıqladı