Çində Wikipedia tam olaraq bloklanıb

    Çindəki istifadəçilər Wikipedia-dan istifadə edə bilməyəcəklər. Məlumata əsasən informasiya resursu kimi fəaliyyət göstərən Wikipedia yerli hökumət tərəfindən bloklanıb. Bu barədə Macdigger saytı xəbər verib. Beləliklə Çində olan istifadəçilər Wikipedia-dan heç bir dildə isifadə edə bilməyəcəklər. Wikipedia-nın Çin regionunda bloklanmasına ilk öncə “Şəbəkə müdaxiləsinə açıq nəzarət” (OONI)-in təmsilçiləri fikir veriblər.

    “Aprel ayında Wikimedia Foundation aşkar etmişdi ki, Wikipedia resursu Çində işləmir. Bizim daxili trafiklər üzrə hesabatlarımızın analizindən sonra biz təsdiq edə bilərik ki, Wikipedia bütün dillərdə bloklanıb” - deyə OONI-nin mətbuat katibi bildirib. Məlumata əsasən bu cür resursların bloklanması Çin üçün heç də nadir hallardan deyil.

    Belə ki, daha öncə Çində Wikipedia-nın çin dili versiyası bloklanmışdı. Bu cür bloklanmalar digər informasiya portalları ilə də baş verir. Adətən bu cür bloklanmalar Çində baş vermiş hansısa hadisələrin ildönümləri ilə əlaqəli olur. Çində Wikipedia-nın tam bloklanmasını jurnalistlər 1989-cu ildə Pekinin Tyananmen meydanında baş vermiş tələbə protestlərinin yatırılmasının 30 illiyi ilə əlaqələndirirlər.