Çinin süni zəka həkimi dünyada ilk dəfə olaraq həkim lisenziyası aldı
Elm & Texnologiya
13.11.2017
Farid Pardashunas
Şençjen şəhərindən olan “iFlyTek” adlı şirkət keçən həftə bildirmişdi ki, onun süni zəka həkimi yerli imtahanları verərək həkim lisenziyası alıb.
Bu barədə Scmp saytı xəbər verib.
Qeyd etmək lazımdır ki, “iFlyTek” süni zəka layihələrinin aparıcı
yaradıcılarından biridir. Faktiki olaraq şirkətin rəqəmsal həkimi “IBM” şirkətinin
IBM Watson adlı superkompüteri ilə oxşardır. Süni zəka həkimi əsl həkimlərə
operativ və düzgün diaqnozun təyin olunmasında yardımçı olmalıdır.
“Biz Watson-u qabaqlamışıq. Bizim sistemimiz dünyada ilk dəfə lazımi imtahanları verib və insan ixtisası səviyyəsinə sahib olduğunu təsdiqləyib. “IBM”in sistemi isə ABŞ-da bu cür imtahanlar verməyib” – deyə şirkətin direktorlar şurasının sədri Liu Qingfeng bildirib.
Qeyd etmək lazımdır ki, şirkıətin iFlyTek Smart Doctor
Assistant adlı robotu sözügedən imtahan zamanı 456 xal yığmışdır. İmtahandan
uğurla keçmək üçün isə 360 xal bəs edir. Bu cür nəticə çinliləri heyrətləndirib
və indi onlar öz sistemləri ilə dünyanı fəth etməyi planlaşdırır. Qingfeng həmçinin
bildirib ki, bu sistem özünü təhsil, hüquqşünaslıq və daha qlobal tibbi tətbiqlərdə
yaxşı sərgiləyə bilər.
“Həkimləri əvəz etmək əvəzinə süni zəka onlara, xəstələrə daha effektiv xidmət göstərməyə yardımçı olacaq. Süni zəka təkmilləşir. Yaxın zamanda o, həkimlərin əvəzedilməz yoldaşı olacaq. Bu əsasən daha aşağı müalicə səviyyəsinin olduğu uzaq yerlərdəki xəstəxanalarda baş verəcək” – deyə Liu Qingfeng bildirib.
Fakt olaraq hələki bilinmir ki, "iFlyTek" həqiqətən də IBM
Watson-u keçib yoxsa yox. Lakin çinlilər üçün onların süni zəka sistemlərinin
amerikalıların yaratdıqları sistemlərdən öndə olması çox vacibdir. Bu ilin yay fəslində
ölkə süni zəkanı özünün milli strategiyasının bir hissəsi olduğunu qeyd etdi.
2030-cu ilə kimi dövlət bu sahədə ABŞ-ı geridə qoymağı planlaşdırır.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək