Çinli qadının iPhone-nu 47.5 il müddətinə bloklandı

07.03.2018 0 PAYLAŞIM 1249 OXUNMA

Çinin kütləvi informasiya vasitələri çinli bir qadının hekayəsi barəsində danışıblar.

    Belə ki, həmin qadının oğlu iPhone-nu blokdan çıxarmaq üçün şifrəni düzgün daxil etmədiyinə görə qadının smartfonu 47.5 illik bloka düşüb. Məlumata əsasən hadisə bu ilin əvvəlində baş verib. Həmin qadın öz iPhone smartfonunu oğluna verib ki, o, internet vasitəsilə maarifləndirici videolara baxsın. Lakin o öz smartfonunu oğlundan alandan sonra aşkar edib ki, oğlu tərəfindən çoxlu sayda düzgün olmayan şifrənin yığılması hesabına iPhone 25 milyon saat müddətinə (47.5 il) blok olunub.


    Qeyd etmək lazımdır ki, bu cür zaman cərimələri həqiqətən də mövcuddur. Əgər istifadəçi iPhone-da lazımi şifrəni 5 dəfə düzgün yığmasa, onda smartfon ekranında bildiriş əks olunur. Həmin bildirişdə şifrənin təkrarən düzgün daxil edilməsi xahişi əks olunur. Əsas problem şifrəni 6-cı dəfə səhv daxil edəndən sonra başlayır. Belə ki, bu zaman iPhone 1 dəqiqəlik avtomatik blok olunur. Bundan sonra isə daxil edilmiş hər bir səhv şifrə sayəsində smartfon 5, 15, 60 dəqiqə və s. vaxt intervalı üzrə blok müddətini artırır. Lakin vəziyyətdən çox sadə çıxış yolu var. Sadəcə olaraq cihazın ayarlarını onun ilkin vəziyyətinə qaytarmaq lazımdır.