Çinlilər insanı 3000 metr hündürlüyə qaldıra biləcək hava skateboard-u hazırlayıblar

    South China Morning Post saytının verdiyi məumata əsasən Pekin Energetik Maşınqayırma Institutunun mütəxəssisləri SF-FB-30 adlı hava skateboard-unun prototipini hazırlayıblar. Sözügedən hava skateboard-u kompakt ölçülü 4 ədəd reaktiv mühərrik ilə təchiz olunub. İnstitut təmsilçiləri bildiriblər ki, bu hava skateboard-u şaquli qalxış və eniş sisteminə sahibdir. Bununla yanaşı məlumatda qeyd edilib ki, bu cihaz 100 kq ağırlığında olan insanı və ya yükü 3000 metr hündürlüyə qaldıra bilər. Bununla belə SF-FB-30 saatda 150 km sürət yığma potensialına sahibdir.

    O, havada 10 dəqiqə ərzində qala bilir. Maraqlısı ondadır ki, cihaz həmçinin avtonom idarəetmə sisteminə də sahibdir. Yəni faktiki olaraq SF-FB-30 reaktiv mühərriklərə sahib drondur. Süni zəka əsaslı idarəetmə sistemi sayəsində bu cihazın idarəsi adi skateboard sürmək kimi sadədir. İnstitut mütəxəssisləri qeyd ediblərki, cihazın insan iştirakı ilə ilk uçuş testləri 2023-cü ildə keçiriləcək. SF-FB-30 mülki, hərbi, axtarış və xilasetmə məqsədləri üçün istifadə edilə bilər. SF-FB-30-un elektrikli mühərriklər vasitəsilə çalışan dronlardan əsas üstünlüyü ondan ibarətdir ki, onu tez bir zamanda yanacaqla təmin etmək mümkündür.