Daha bir BlackBerry smartfonu Geekbench testi vasitəsilə ortaya çıxdı

BlackBerry şirkəti KEYOne 2 smartfonunu 7 İyun tarixində təqdim edəcəyini elan etdi. Lakin görünür, KEYOne 2-dən əlavə şirkət daha bir smartfon üzərində çalışır. Belə ki, Geekbench bençmark saytının məlumatlar bazasında BBG100-1 nömrəli BlackBerry modeli haqqında məlumatlar aşkar edilib. Geekbench testlərinə əsasən bilinməyən BlackBerry modeli məşhur 1.8 GHz tezlikli msm8953 (Snapdragon 625) prosessoru vasitəsilə çalışır və 4 GB RAM, Android 8.1 Oreo əməliyyat sistemi ilə təchiz olunub. Bir nüvəli testdə smartfon 698 xal, çoxnüvəli testdə isə 3656 xal toplayıb. Smartfonun KEYOne 2 ilə birlikdə anons olunacağı barəsində danışmaq hələki tezdir. Belə ki, onun Geekbench məlumatları hələ yenicə ortaya çıxıb.