Dünyanın ilk gecə görmə özəllikli kameraya sahib smartfonu

Danimarkanın Lumigon adlı şirkəti dünyada ilk gecə görmə özəllikli kameraya sahib smartfonunu satışa çıxardıb. Yeni model smartfon Lumigon T3 adlanır. Smartfonun əsas özəlliyi ondadır ki, o ikiqat infraqırmızı işıqlandırma funksiyalı gecə görmə özəllikli 4 MP-lik kameraya sahibdir. Bu cür kamera ilə tam qaranlıqda foto çəkmək rahatlıq deməkdir. Bundan əlavə olaraq adi şəraitdə foto və video çəkmək üçün smartfon avtofokus funksiyalı 13 MP-lik arxa kamera ilə təchiz olunub. Həmin kamera 4K keyfiyyətli video çəkim xüsusiyyətinə sahibdir. Ön paneldə isə 5 MP-lik kamera yerləşdirilmişdir. Smartfonun yaradıcıları korpus və ekranın təhlükəsizliyi barəsindədə fikirləşiblər. Onun korpusu paslanmaz polad, ekranı isə Gorilla Glass 4.0 şüşəsi ilə örtülmüşdür. Smartfon həmçinin toz və nəmişlikdən belə qorunma xüsusiyyətinə sahibdir. Texniki göstəricilərə gəldikdə isə Lumigon T3 1280x720 piksel keyfiyyətli 4.8 inç SuperAMOLED ekran, 2.2 GHz tezliklə çalışan 8 nüvəli Helio X10 prosessoru, 3 GB-lıq RAM və 128 GB-lıq daxili yaddaş ilə təchiz olunmuşdur. Qeyd etmək lazımdır ki, Lumigon T3 Android 6.0 Marshmallow əməliyyat sistemi üzərində çalışır. Bunlar azmış kimi smartfon həmdə barmaq izi tanıma funksiyası və naqilsiz enerji yığma sistemi ilə birlikdə satılır. Lumigon T3  smartfonunu şirkətin rəsmi saytından $925-$1200 qiymət aralığında almaq mümkündür.