Donald Trump Huawei ilə ZTE şirkətlərinə qadağa qoydu
Elm & Texnologiya
14.08.2018
Emil Nəcəfov
Huawei və ZTE şirkətləri artıq bir neçə müddətdir ki, ABŞ
hökumətinin nəzarəti altındadır. ZTE şirkəti bir müddətlik ABŞ-da qadağan
olunmuşdu, Huawei isə sözügedən bazara çıxış etmək istəyən zaman ciddi təzyiqlərlə
üzləşmişdi. İndi isə məmurlar qorxurlar ki, Çinin smartfon istehsalçılarının əməliyyat
sistemlərindən istifadə, təhlükəsizliyə ciddi zərər vura bilər. Buna görə bugün
ABŞ prezidenti Donald Trump Çin istehsalçılarının smartfonların Ağ Ev-də və digər
hökumət müəssisələrində istifadəsini 2 illiyə qadağan etmək barəsində sərəncam
imzaladı.
Qəbul olunmuş yeni qanun layihəsi təkcə ZTE ilə Huawei şirkətlərini
deyil həmdə digər Çin şirkətlərini və dövlətlə çalışmağa hazır təchizatçıları əhatə
edəcək. Nəzərə alsaq ki, ABŞ minlərlə təchizatçı ilə çalışır, bu qərar bir növ
kommersiya effekti yaradacaq. Qeyd etmək lazımdır ki, Huawei şirkəti müəssisələr
üçün şəbəkə təchizatları istehsal edən ən böyük şirkətlərdən biridir. İndi isə
həmin məhsullar da smartfonlarla birlikdə ABŞ ərazisində qadağan olunub. Huawei
şirkəti ona və rəqiblərinə qarşı qəbul olunmuş bu qərar ilə razı deyil. Şirkət
bildirir ki, ABŞ hökuməti smartfonlardakı məlumatların Çinə ötürülməsi üzrə dəqiq
sübutlara sahib deyil.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək