Dota 2 üzrə beynəlxalq çempionatda süni zəka, professional oyunçunu darmadağın etdi (VİDEO)
Elm & Texnologiya
13.08.2017
Farid Pardashunas
Təsisçilərinin sırasında Elon Musk olan OpenAI təşkilatı, The International 2017 adlı beynəlxalq Dota 2 çempionatında professional oyunçuya qalib gəlmiş bot yaradıb.
Sözügedən bot, Natus Vincere komandasından olan Dendi ləqəbli
Danil Ishutin adlı professional oyunçu ilə yarışıb. Oyunun ilk raundu, 10 dəqiqə
çəkib və nəticədə Ishutin-in oynadığı oyunçu məğlub olub. İkinci raund da həmin
nəticə ilə bir neçə dəqiqə ərzində çəkib. OpenAI bildirib ki, sözügedən bot,
süni zəka əsasında hazırlanıb və o bu oyun üzrə sıfırdan təlim keçib. Yəni daha
öncə botun, bu oyun üzrə heç bir təcrübəsi olmayıb. Beləliklə o özünün virtual
kopyası ilə məşq edərək müəyyən vaxt ərzində effektiv taktikaları öyrənib.
Yarışmanın bitməsindən sonra OpenAI təşkilatının təmsilçiləri bildiriblər ki,
onların yaratdıqları bot, istənilən insandan daha çox oyun keçirdib. OpenAI-nin
verdiyi məlumata əsasən botun təlimi, 2 həftə vaxt aparıb. İlkin mərhələdə olan
məşqlərdən sonra botu, professional oyunçuların üzərində məşq etdirməyə
başladılar. Müəyyən müddətdən sonra isə alqoritm, Dota 2 üzrə dünyanın ən yaxşı
oyunçusunu məğlub etməyi bacardı. İndi isə təşkilatın növbəti məqsədi, bir dəfəyə
5 personajı idarə edə bilən botu yaratmaqdır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)