Dözümlü ekrana sahib Moto Z2 Force, rəsmi olaraq təqdim edildi
Elm & Texnologiya
25.07.2017
Farid Pardashunas
“Motorola” dayanıqlı ekrana və ikili arxa kameraya sahib, flaqman modul smartfonu Moto Z2 Force-u anons etdi.
Ənənəyə sadiq qalaraq Force seriyasının smartfonları dözümlü
korpus və ekrana sahib olurlar. Moto Z2 Force modelinin ekranı, şüşə ilə deyil,
yüksək məsafədən olan düşməyə daha dözümlü plastik material vasitəsilə qorunur. Bu,
ShatterShield texnologiyası adlanır. Şirkət, smartfon ekranının 4 il ərzində zərər
çəkmədən qalacağına zəmanət verir. Korpusun qalan hissəsi isə alüminiumdan
hazırlanıb. Moto Z2 Force, smartfonun arxa panelinə maqnit vasitəsilə bərkidilən
bütün Moto Mods modullarını dəstəkləyir. Moto Z2 Force ilə birlikdə həmçinin
360 Camera Moto Mod modulu da təqdim olunub. Bu kamera, 4K keyfiyyətli və 3D səs
effektli 360 dərəcəli videoların çəkilməsini mümkün edir. Texniki göstəricilərinə
gəldikdə isə Moto Z2 Force, 5.5 inç AMOLED ekran, 8 nüvəli Snapdragon 835
prosessoru, 4 GB RAM, 64 GB daxili yaddaş (256 GB-a kimi microSD dəstəklənməsi),
2730 mAh enerji tutumlu batareya, 12 MP-lik ikili arxa kamera və 8 MP-lik ön
kamera ilə təchiz olunub. Smartfon, Android 7.1.1 Nougat əməliyyat sistemi
vasitəsilə çalışacaq. Moto Z2 Force, Avqust ayında satışa çıxacaq və 750$ qiymət
göstəricisinə sahib olacaq. Sözügedən kamera modulunu isə artıq indidən 300$
qiymətinə əldə etmək mümkündür.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ