Dron suda batan iki üzgüçünü xilas etdi (VİDEO)
Elm & Texnologiya
18.01.2018
Farid Pardashunas
Sözügedən hadisə Avstraliyanın şimalında baş verib.
İki üzgüçü ağır dalğaların
ucbatından sahildən 700 metr aralı düşüblər və geri qayıda bilməyiblər. Bu
zaman xilasedicilər Little Ripper adlı drondan istifadə üzərində məşq edirdilər
və batan üzgüçülər haqqında siqnalı qəbul ediblər. Onlar həmin dəqiqə batmaqda
olan üzgüçülərin olduqları yerə dronu göndərərək onlara xilasedici sal atıblar.
Üzgüçülər salı tutaraq onun vasitəsilə sahilə çıxıblar.
Bu proses dronda olan kamera
vasitəsilə qeyd olunub. Xilasedicilərdən biri qeyd edib ki, bu cür xilasetmə əməliyyatı
insanlar vasitəsilə bir neçə dəqiqə daha çox vaxt aparacaqdı. Lakin dron vasitəsilə
bu əməliyyat 2 dəqiqədə görülüb. Qeyd etmək lazımdır ki, xilasedicilər adi istehlakçı
dronundan istifadə etməyiblər.
Onlar Little Ripper adlı xüsusi xilasedici
drondan istifadə ediblər. Bu dron süni zəka sisteminə sahibdir və köpək
balıqlarının insanlara hücumlarının qarşısını almaq üçün sahil boyu əraziləri nəzarətdə
saxlamaq üçün istehsal olunub. Dron kamera vasitəsilə köpək balığının formasını
90% dəqiqliklə təyin edə bilir. Dronun korpusunda isə avtomatik hava ilə dolan
xilasedici sal var. Bir dəfə şarj olunmaqla bu dron 150 dəqiqə uça bilir.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)