Dünyada ilk dəfə 10 GB RAM-a sahib smartfon gəlir
Elm & Texnologiya
29.01.2018
Emil Nəcəfov
İnternetə 2018-ci ilin əsl flaqman smartfonunun təqdimat slayderlərinin fotoları sızdırılıb.
Söhbət, Vivo Xplay7-dən gedir.
Smartfon çox nazik çərçivələrə sahibdir. Onun ekranı isə ön panelin 92.9%-ni
tutur. Ekran 4K keyfiyyətə sahibdir. Xplay7-nin korpusu metaldan hazırlanıb,
onun barmaq izi skanı isə ekrana inteqrasiya olunub. Smartfonun ikili arxa
kamerası 4 qat optik zoom-lu fotolar çəkməyi bacarır. Həmçinin Xplay7 Face
Unlock 2.0 adlı üz skanı texnologiyasına da sahibdir.
Lakin smartfonun ən
maraqlı tərəfi onun texniki göstəriciləridir. Belə ki, smartfon Snapdragon 845
prosessoru və 10 GB RAM ilə təchiz olunacaq. İndiyənə kimi heç bir istehsalçı 8
GB RAM-dan böyük göstəriciyə sahib smartfon təqdim etməyib. Buna görə də Xplay7
bu barədə rekorda imza ata bilər. Smartfon iki versiyada satılacaq: 256 GB
daxili yaddaşa sahib versiya və 512 GB daxili yaddaşa sahib versiya. Vivo
Xplay7-nin qiymət və anons tarixi barəsində isə hələki heç bir məlumat
yoxdur.
Linki kopyala
Həftənin xəbərləri
Apple Vision Pro ilə əməliyyat həyata keçirildi?!
Ən ağıllı çat-bot IQ testində insanı geridə qoyub