Bəzən smartfonlarda bu proses daha da irimiqyaslı olur. “Malwarebytes” şirkətinin mütəxəssisləri Monero kriptovalyutasının mayninq olunması üçün milyonlarla Android smartfonlarından istifadə etmiş hackerlərdən danışıb. Zərərli koda sahib tətbiqlər istifadəçiləri brauzer vasitəsilə kriptovalyuta mayninq edən xüsusi saytlara yönləndirib.

Həmin saytlarda istifadəçilərə internetdə şübhəli aktivliklərə görə onları günahlandıran reklam bannerləri göstərilir. İsmarışda qeyd olunur ki, mayninq prosesi istifadəçinin robot olmadığını təsdiqləməyincə dayandırılmayacaq. Nəticədə smartfonun prosessoru yüklənir və qızmağa başlayır. Bu prosesin qurbanlarının dəqiq sayları bilinmir. Lakin onlar milyonlarladır. Şirkət aylıq 30 milyon və ya aylıq 800.000 girişə sahib bir neçə bu cür sayt aşkar edib.

Hətta baxmayaraq ki, istifadəçilər ortalama mayninq prosesində 4 dəqiqə iştirak edirdilər, onların saylarının çox olduğunu nəzərə alsaq bu böyük nəticədir. Mütəxəssislər Android smartfon istifadəçilərinə web filtrlərdən və təhlükəsizliyin təmin olunması üçün proqram təminatlarından istifadə etməyi məsləhət görürlər. Həmin zərərli saytların tam siyahısı ilə burdan tanış olmaq olar. Əgər sizin smartfonunuz qızmağa və ləng çalışmağa başlayıbsa heç istisna deyil ki, smartfon sizin üçün çalışmır.