Əfsanəvi DeLorean brendi ilk elektromobilinin dizaynının bir hissəsini sərgiləyib
Elm & Texnologiya
05.04.2022
Farid Pardashunas
Məşhur “Back to the Future” film seriyası DeLorean DMC-12 idman avtomobilinə əfsanə statusunu qazandırdı. Sözügedən avtomobil keçən əsrin 80-ci illərinin əvvəllərində məhdud sayda satışa çıxarılmışdı. Keçən onilliyin əvvəllərində isə məşhur DeLorean brendi bərpa edilmişdi. Bir neçə müddət bundan öncə DeLorean təmsilçiləri elan etmişdilər ki, bu il sözügedən avtomobilin elektriklə çalışan versiyası təqdim ediləcək. İndi isə verilmiş rəsmi məlumata əsasən DeLorean-ın ilk elektromobilinin prototipi avqust ayında Kaliforniyada keçiriləcək xüsusi tədbir çərçivəsində təqdim ediləcək.
Təqdimat 18 avqust tarixində baş tutmalıdır. Təqdimat çərçivəsində həmçinin elektromobilə veriləcək ad da elan ediləcək. Bununla yanaşı DeLorean elektromobilinin arxa hissəsinin necə görünəcəyi üzrə ilk rəsmi foto da təqdim edilib. Təqdim edilmiş fotoda elektromobilin arxa hissəsinin yarısını görmək olar. Həmçinin fotodan da görmək olar ki, elektromobilin arxa şüşəsi sahəsində aerodinamik yuvalar mövcuddur. Elektrikli DeLorean modelinin texniki özəllikləri barəsində heç bir məlumat yoxdur. Çox güman ki, bütün ətraflı məlumat məhz təqdimat zamanı təqdim ediləcək.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ