Reklam
Əfsanəvi DeLorean DMC-12-nin davamçısı: DeLorean Alpha5 elektromobilinin ilk fotoları sərgilənib

Əfsanəvi DeLorean DMC-12-nin davamçısı: DeLorean Alpha5 elektromobilinin ilk fotoları sərgilənib

Texnologiya
01.06.2022 PAYLAŞIM

    DeLorean Motor Company şirkəti Alpha5 adlı elektromobilin ilk fotolarını təqdim edib. Sözügedən elektromobil avqust ayında təqdim ediləcək. Məlumatda qeyd edilib ki, elektromobilin dizaynı İtaliyanın Italdesign şirkəti tərəfindən hazırlanıb. Qeyd etmək lazımdır ki, sözügedən şirkət həmçinin vaxtı ikən əfsanəvi DMC-12 avtomobilinin dizaynını da hazırlamışdı. Alpha5-in dizaynı orijinal DeLorean avtomobilinin dizaynından ilhamlanıb. Lakin bununla da bu avtomobillər arasındakı oxşarlıq bitir. Orijinal DeLorean DMC-12 avtomobili 1981-ci ildə satışa çıxmışdı. Bütün müddət ərzində 9000 ədəd avtomobil istehsal edilmişdi. Sözügedən avtomobil 1985-ci ildə böyük ekranlara “Back to the Future” filminin çıxması ilə daha da məşhurlaşdı. Maraqlısı ondadır ki, 1995-ci ildə təsis edilmiş DeLorean Motor Company şirkətinin orijinal DeLorean ilə heç bir əlaqəsi yoxdur.


    Orijinal DeLorean 1975-ci ildə John DeLorean tərəfindən təsis eidlmişdi. 1982-ci ildə isə şirkət iflas etmiş və müəyyən müddət ərzində artıq istehsal edilmiş avtomobillərin servis xidmətləri ilə məşğul olurdu. Hal hazırda DeLorean Motor Company şirkətinin başında Joost de Vries durur. O, Tesla Karma kimi şirkətlərdə çalışıb və elektromobillər sahəsinin veteranı hesab edilir. Orijinal DeLorean modeli iki nəfər üçün nəzərdə tutulmuşdu. Alpha5 isə 4 nəfər sərnişin üçün nəzərdə tutulub. Orijinal DeLorean kimi Alpha5 də aşağı enişə sahibdir. Lakin elektromobilin dizaynında bucaq konturları yoxdur. DMC-12-nin dizaynında bucaq konturları əsas rolu oynayırdılar. Dizayn baxımından elektromobildə bucaq konturlu dizayndan imtina əslində düzgün qərardır. Çünki keçmiş avtomobilin dizaynı müasir estetika ilə uyğunlaşmır.

    Yeni dizayn ilə aşağı eniş sayəsində elektromobilin aerodinamik müqavimət göstəricisi 0.23-ə bərabərdir. Elektromobilin texniki özəlliklərinə gəldikdə isə şirkət ətraflı məlumat verməyib. Məlumdur ki, Alpha5 saatda 100 km sürəti 2.99 saniyəyə yığa biləcək. Onun maksimal sürəti isə saatda 250 km təşkil edəcək. Enerji mənbəyi rolunda 100 kilovatt saat həcmli batareyalardan istifadə ediləcək. Bunun sayəsində elektromobil bir dəfə şarj olunandan sonra 480 km yol qətt edə biləcək. Bu özəlliklər Alpha5-in adi versiyasına aid olacaqlar. Çox güman ki, şirkət elektromobilin daha büdcəli və premium modellərini də təqdim edəcək. Alpha5-in satış qiyməti barəsində məlumat verilməsə də gözləntilərə əsasən o, təqribi olaraq 100.000$-a saılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple AirPods Pro 2 qulaqlıqlarının render fotoları və yeni məlumatları təqdim e..

Vaxtı ikən AirPods 3 qulaqlıqlarının fotolarını təqdim etmiş 52audio saytı bu dəfə AirPods Pro 2 qul..


Apple şirkətinin qarışıq reallıq (AR + VR) cihazı gələn ilin əvvəlində satışa çı..

Məşhur analitik Ming-Chi Kuo Apple şirkətinin qarışıq reallıq (AR + VR) cihazının satış tarixi barəs..


ABŞ-da bakteriyalar əsasında yeni bioloji batareya yaradılıb

Nyu-York ştatında yerləşən Binhemton Universitetinin mütəxəssisləri bakteriyalar əsasında enerji bat..


Yaxın zamanda smartfonlar üçün 240 vatt gücündə sürətli şarj texnologiyası istif..

İnternet resursların verdikləri məlumata əsasən yaxın zamanda smartfonların batareyaları üçün nəzərd..


Huawei yeni naqilsiz FreeBuds Pro 2 qulaqlıqlarını təqdim edib - QİYMƏTİ

Huawei şirkəti naqilsiz FreeBuds Pro 2 qulaqlıqlarını təqdim edib.


Amazon Alexa hətta vəfat etmiş insanların səsləri vasitəsilə danışa biləcək..

Amazon şirkəti dünən Las Veqasda keçirilmiş Re:Mars adlı konfrans çərçivəsində etik nöqteyi nəzərdən..

×