Elektrikli moped üçün hazırlanmış yeni litium-karbon batareya enerjini 90 saniyəyə yığır

Elektrikli moped üçün hazırlanmış yeni litium-karbon batareya enerjini 90 saniyəyə yığır

Texnologiya
27.09.2021 PAYLAŞIM

    Almaniyadan olan mühəndislər elektrikli mopedlər üçün nəzərdə tutulmuş sürətli şarj texnologiyalı yeni növ batareya yaradıblar. Məlumata əsasən yaradılmış yeni litium-karbon batareya 90 saniyə ərzində tam şarj oluna bilir. Sözügedən litium-karbon batareya Almaniyanın Mahle Allotrope Energy adlı şirkətlərinin birgə əməkdaşlıqları çərçivəsində yaradılıb. Məlumatda qeyd edilib ki, bu batareyanın göstəriciləri indiyənə kimi bazarda təqdim edilmiş bütün batareyaların göstəricilərini geridə qoyub. Onun tam şarj olunması üçün sərf olunan zaman isə adi avtomobilin yanacaq ilə doldurulmasına sərf olunan zaman ilə eynidir.

    Bununla belə bu batareya elektrikli mühərriklərə xas olan özəllikləri özündə qoruyub saxlayır. Söhbət, heş bir zərərli tullantının olmamasından və yanacaq qiyməti ilə müqayisədə aşağı qiymətə sahib elektrik enerjisindən gedir. Hal hazırda mühəndislər öz ideyalarını böyük olmayan prototip çərçivəsində reallaşdırıblar. Layihə çərçivəsində hazırlanmış 500 vatt saat həcmli batareya 40 km-ə qədər yol qətt edə bilən elektrikli mopedə quraşdırıla bilər. Bundan əlavə olaraq yüksək sürətli şarj texnologiyası sayəsində batareya tam enerjini 90 saniyə ərzində yığa bilir.


    Mövcud olan elektrikli motosikletlərə quraşdırılmış batareyaların isə tam şarj olunmaları üçün minimum 30 dəqiqlə vaxt lazım olur. Batareyanın tərkibində litium-ion batareyadan ibarət yüksək sürətli anod yerləşir və onu superkondensatordan ibarət katod tamamlayır. Nəticədə mühəndislər 20 kilovatt saat sürətində şarj prosesi göstəricisini əldə edə biliblər. Digər bir vacib faktor isə ondan ibarətdir ki, batareyanın istehsalında nadir torpaq elementlərindən istifadə olunmayıb. Bu öz növbəsində batareyanın istehsalat prosesinin xərcini aşağı salıb.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


HTC şirkəti Vive Flow adlı yeni avtonom VR cihazı təqdim edib - QİYMƏTİ

HTC şirkəti Vive Flow adlı yeni avtonom VR (virtual reallıq) cihazı təqdim edib.


Apple bədən temperaturunu ölçə biləcək yeni nəsil AirPods üzərində çalışır..

The Wall Street Journal-ın verdiyi məlumata əsasən Apple şirkəti yeni model naqilsiz qulaqlıqlar üzə..


İnsayderlər: Apple özünün Nintendo Switch analoqu üzərində çalışır

İnsayderlərin verdikləri məlumata əsasən Apple şirkəti oyun sənayesinə daxil olmağa hazırlaşır...


Blue Origin şirkəti yeni kosmik turistlərin iştirakı ilə növbəti uçuş missiyasın..

Jeff Bezos-un Blue Origin şirkəti New Shepard adlı suborbital kosmik gəmisinin 5-ci uğurlu uçuş miss..


Steve Wozniak-ın Privateer Space adlı kosmik şirkətinin nə ilə məşğul olacağı mə..

Apple şirkətinin yaradıcılarından biri olan Steve Wozniak sentyabr ayında Privateer Space adlı kosmi..


Apple şirkəti yeni təqdimat tədbirini elan edib

Yeni təqdimat tədbiri “Unleashed” sloqanı altında keçiriləcək.

×