Elon Musk, 25.000$-a satılacaq büdcəli Tesla elektromobili söz verib: Bu nə zaman baş verəcək?

  2023-cü ildə Tesla şirkəti avtopilot sisteminə sahib büdcəli elektromobili satışa çıxardacaq və onun qiyməti 25.000$ təşkil edəcək. Bu cür bəyanatı Elon Musk şirkət investorları ilə görüşdə bildirib. Bu barədə New York Post xəbər verib. “Biz əminik ki, 3 ildən sonra qiyməti 25.000$ olacaq avtomobili satışa çıxarda biləcəyik. Bununla yanaşı həmin avtomobil tam avtopilot sisteminə sahib olacaq” - deyə Musk bildirib. Beləliklə satışa çıxarılacaq yeni büdcəli elektromobil Tesla-nın hal hazırda mövcud olan ən ucuz modelindən 12.000$ daha aşağı qiymətə satılacaq.

  Qeyd etmək lazımdır ki, şirkətin hal hazırda ən ucuz elektromobili Model 3-dür və o, 37.990$-a satılır. Şirkətin ən bahalı elektromobili olan Model X-in qiyməti isə 79.990$-dan başlayır. Beləliklə Tesla-nın əsas məqsədi büdcəli elektromobilləri istehsal etməkdir. Bu cür bəyanatın fonunda Tesla-nın səhmlərinin qiymətləri 7.7% aşağı düşüblər. Analitiklərin fikirlərinə əsasən bunun əsas səbəbi ondadır ki, Musk-ın vədd etdiyi məsələ yalnız 3 ildən sonra baş tutacaq. İnvestorlar isə şirkətin inqilabi həll üsullarını tez bir zamanda görməyə ümid edirdilər.