CNBC-yə müsahibə verən zaman Elon Musk evdən işləmə rejimini mənəvi cəhətdən yanlış cəfəngiyat adlandırıb. Onun sözlərinə əsasən bu cür iş rejimi evdən işləmə imkanına sahib olmayanlara qarşı ədalətsiz yanaşmadır. Musk evdən işləmə rejimini daha əvvəllər də tənqid edib. Bu dəfə o bu cür iş rejimini qeyri-məhsuldar adlandırıb. Qeyd etmək lazımdır ki, Musk Twitter-i əldə edəndən sonra onun işçiləri üçün evdən işləmək qadağan etmişdi. “Mən inanıram ki, işçilər iş yerlərində olduqları zaman daha produktiv çalışırlar. Əgər siz, SpaceX, Tesla və ya Twitter-də işləmək istəyirsinizsə, hər gün ofisə gəlmək məcburiyyətindəsiniz” - deyə Musk qeyd edib.