Bu barədə Electrek şirkəti xəbər verib. Alınmış yeni tunel qazma maşınının uzunluğu 120 metr, diametri 8 metr, çəkisi isə 1200 tondur. Kiçik bir layihə üçün çox böyük maşındır. Lakin indidən onun üçün böyük planlar mövcuddur. Bundan əlavə olaraq şirkətin, Vaşinqton ilə Baltimor arasında tunel qazdığı da məlum olub. Musk-ın planları həmişəki kimi qlobaldır. O, təkcə tunel qazmaq üçün bu məşınları almayıb. O, həmin maşınları təkmilləşdirməyi planlaşdırır.

Sözügedən tunel qazma maşınları bir həftə ərzində 100 metr tunel qazmaq özəlliyinə sahibdirlər. Musk isə bu göstəricini 3 dəfə artırmaq istəyir. Onun fikrincə bu üsulla sözügedən layihə daha irimiqyaslı şəkildə reallaşdırılacaq. Qeyd edək ki, 1 il bundan öncə Musk öz Twitter səhifəsində bildirmişdi ki, tıxaclara nifrət edir və bu problemi aradan qaldırmaq üçün yeraltı tunellər qazacaq. Hamı bunu zarafat kimi qəbul etsə də, Musk əslində zarafat etmirdi. Bu müddət ərzində “Boring Company” artıq bir ədəd tunel qazma maşınını aldı və işlərə start verdi. Bununla yanaşı şirkət öz yeraltı tunellər konseptini də təqdim etdi. Bu, avtomobillər üçün nəzərdə tutulmuş bir növ metronu xatırladır. Avtomobillər şəhərin müəyyən nöqtələrində yerləşək platformaların üzərində dayanacaq və həmin platformalar avtomobilləri yeraltı tunellərə endirərək sürətli şəkildə şəhərin müəyyən yerinə çatdıracaqlar.

Bundan əlavə olaraq Musk bu layihənin reallaşdırılması üçün bir neçə ştat ilə də razılaşmalar əldə edib. O, bu layihəni Los Anceles meri ilə müzakirə edib. Nəticədə yeraltı tunellər sistemi Çikaqoda reallaşdırıla bilər. Bir neçə müddət bundan öncə isə Nyu York-dan Vaşinqtona kimi tunellərin tikilməsi üçün Musk, Ağ Ev-dən icazə alıb. Bir sıra informasiya vasitələrinin verdikləri məlumatlara əsasən alınmış yeni tunel qazma maşını məhz bu layihələr üçün nəzərdə tutulub. Bununla yanaşı Electrek saytı xəbər verir ki, tunelin tikintisinə artıq start verilib və tikinti meydançası Baltimor şəhərində yerləşir. Baltimor şəhərinin dövlət orqanları öz növbəsində Musk-ın bu ideyasını dəstəkləyiblər. Beləliklə Baltimor-Vaşinqton tuneli, Nyu York-Vaşinqton layihəsinin ilk mərhələsi ola bilər.