Elon Musk-ın məqsədlərə çatmaq üçün ilhamlandıran 11 sitatı
Elm & Texnologiya
29.10.2017
Emil
Dünyada baş verən fəlakət və
haqsızlıqlara baxmayaraq yenə də ümid yeri buraxan insanlar var. Söhbət,
ətrafdakı kütləni öz əzmlikləri ilə yoluxduran və işıqlı gələcəyə doğru yol çəkən
insanlardan gedir. Belə insanlardan biri də Elon Musk-dır. Bu insan yaxşı işlərə
pul vəsaitləri verməkdən çəkinmir. Günlərin birində o, bir insanı xilas etmək
uğrunda öz Tesla avtomobilini qurban vermiş şəxsin avtomobil təmiri pulunu ödəmişdi.
Bir neçə müddət bundan öncə isə Puerto Rikodakı uşaq xəstəxanasını tamamilə
pulsuz şəkildə günəş batareyaları ilə təmin etmişdi. Inc.com saytı bu insanın
11 maraqlı sitatını tərtib edib. Həmin sitatlar insan qabağında nə qədər sərhədlərin
və çətinliklərin olmasına baxmayaraq vaz keçməməyi əks etdirir.
“Əgər nəsə lazımi dərəcədə vacibdirsə və şanslar sizdən yana deyilsə siz sadəcə bunu edirsiniz”
“Əgər siz səhər tezdən gələcəyin yaxşı olacağı ümidi ilə oyanırsınızsa, onda sizin gününüz parlaq keçir. Əks halda sizin gününüz heç də parlaq olmayacaq”
“Sizin səhər tez oyanaraq yaşamaq istəyiniz üçün səbəblər olmalıdır. Nəyə görə siz yaşamaq istəyirsiniz? Bunun mənası nədədir? Sizi nə ilhamlandırır? Gələcəkdə siz nə görmək istəyərdiniz? Əgər gələcək, ulduzlar arasında olmanı və planetlərarası həyatı əks etdirmirsə, bu məni məyus edir”
“Henry Ford ucuz və etibarlı avtomobilləri yaradanda insanlar belə söylədilər: “Atlar onlardan pisdir?”. Bu, onun aldığı ən böyük risk idi və nəticədə hər şey alındı”
“İnadkarlıq çox vacibdir. Əgər təslim olma məcburiyyətində deyilsəniz, onda təslim olmamalısınız”
“Bütün yumurtaları bir səbətdə saxlamaq normaldır. Əsas olan sizin, bu səbətdə baş verənləri idarə etməyi bacarmağınızdır”
“Əgər siz 100 il keçmişə qayıtsaz, bugün bizim təbii hesab etdiyimiz hər şey möcüzə kimi görünəcək. Orakul kimi uzaq məsafələrdəki insanlarla danışmaq, fotolar ötürmək, uçmaq, böyük həcmli məlumatları qəbul etmək. Bir neçə yüz il bundan öncə bütün bunlar sehrbazlıq hesab olunurdu”
“Biz bunu etməyə hazırlaşırıq. Tanrı mənim şahidimdir ki, mən bütün gücümlə bunun çalışması üçün səy göstərirəm”
“İlk addım nəsə mümkün bir şeyi hazırlamaqdır. Ehtimal sonra yaranacaq”
“Düşünürəm ki, adi insanlar qeyri-adi həyat seçə bilərlər”
“Mən bunun necə baş verdiyini kənardan izləyə və ya bunun bir hissəsi ola bilərdim”.
Paylaş
Bənzər xəbərlər
Ən çox oxunanlar
Huawei Pura 80 smartfon seriyasının təqdimatı anons edilib
