NASA, 2018-ci il üçün olan kosmik uçuş cədvəlini təqdim edib. Həmin cədvəldən məlum olub ki, “SpaceX” və “Boeing” şirkətləri, gələn il BKS-ə (Beynəlxalq Kosmik Stansiya) insan göndərilməsində iştirak edəcəklər. Beləliklə BKS-ə astronavt göndərilməsində monopoliyaya sahib Rusiya Federasiyası, həmin monopoliyanı itirəcək. Qeyd etmək lazımdır ki, NASA hələ də uzaqdan idarəolunan uçuşları dəstəkləyir. Bunun üçün o, kommersiya məqsədli, idarəolunan uçuşlar proqramını yaradıb. Yəni, astronavtları kosmosa göndərmək öhdəliyini, özəl şirkətlər öz üzərlərinə götürəcəklər. NASA-nın təqdim etdiyi cədvəldən məlum olub ki, 2018-ci ildə idarəolunan uçuşlar sahəsində 2 şirkət rəqabət aparacaq. Söhbət, “SpaceX” və “Boeing” şirkətlərindən gedir.

Elon Musk-ın şirkəti tərəfindən idarəolunan kosmik gəmi, BKS-ə ilk uçuşunu, gələn ilin İyun ayında reallaşdıracaq. “SpaceX”, astronavtları kosmosa, Dragon 2 kosmik gəmisi vasitəsilə göndərəcək. “Boeing” şirkəti isə gələn ilin Avqust ayında özünün CST-100 Starliner adlı kosmik gəmisi vasitəsilə astronavtları, BKS-ə göndərəcək. Hər 2 şirkət, kosmik gəmilərinin hazır olduğunu və insanları kosmosa göndərməmişdən öncə həmin kosmik gəmilərin test edilmələri məsələsinin qaldığını rəsmi şəkildə bildirib. Daxilində insanların olmadıqları vəziyyətdə kosmik gəmilərin test uçuşları reallaşdırması, NASA tərəfindən verilən lisenziya şərtlərində vacib və məcburi özəlliklərdən biridir. “SpaceX”in ilk test uçuşu, 2018-ci ilin Fevral ayında, “Boeing” şirkətinin ilk test uçuşu isə İyun ayında reallaşdırılacaq. NASA, hər 2 şirkətin, uğurlu uçuş reallaşdıracaqlarına əmindir.