Elon Musk öz mobil telefon nömrəsini səhvən Twitter-də paylaşdı
Elm & Texnologiya
20.12.2017
Farid Pardashunas
Məşhur sahibkar Elon Musk öz mobil nömrəsini “Oculus” şirkətinin texniki direktoruna göndərəcəkdi. Lakin səhvən onu Twitter hesabında paylaşıb.
Bloomberg saytının nümayəndələri
həmin nömrəyə zəng etsələr də sadəcə olaraq avtocavablayıcının səsini eşidiblər.
Musk-ın səhvən öz mobil nömrəsini paylaşdığı postu onun bütün abunəçiləri (16.7
milyon istifadəçi) görə bilərdi. Lakin o həmin paylaşımı tez bir zamanda
silib. Əslində Musk öz mobil nömrəsini virtual reallıq texnologiyası üzərində
çalışan “Oculus” şirkətinin texniki direktorui John Carmack-a göndərməli idi.
Bloomberg
saytının nümayəndələri isə həmin nömrəyə zəng etdikləri zaman
avtocavablayıcının səsini eşidiblər. Avtocavablayıcı isə öz növbəsində God of
War oyunundan olan musiqi parçasını səsləndirərək bu cümlələri deyib:
“Tanrılar vasitəsilə siz bunu etdiniz. Siz hansısa üsulla mənə çatdınız. Mən sizi təbrik edir və sizə hörmət bəsləyirəm”.
Musk-ın səhvən paylaşdığı postda isə növbəti
cümlə yazılmışdı: “Mənimlə danışmaq üçün vaxtın var? Mənim nömrəm.....”. Musk-ın
bu səhvi nəticəsində bir çoxları belə nəticəyə gəldilər ki, o, Carmack-ı öz
şirkətinə dəvət etməyi və ya “Oculus” şirkəti ilə əməkdaşlıq etməyi istəyir. “Facebook”
şirkətinin təmsilçisi isə qeyd edib ki, John Carmack-ın şirkəti tərk etmək kimi
bir fikri yoxdur. Bloomberg-in verdiyi məlumata əsasən virtual və artırılmış
reallıq texnologiyaları avtomobillərdə avtopilot sistemlərinin yaradılmasında əsas
özəlliklərdən biridir.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ