Elon Musk: 'Rəqib raket 2023-cü ilə kimi kosmosa uçsa papağımı yeyəcəm'

Lakin bu dəfə o öz uduşuna deyil, uğursuzluğuna mərc gəlib. Onun fikrincə “United Launch Alliance” şirkəti 2023-cü ilə kimi Vulcan raketini kosmosa buraxa bilməyəcək. Əks halda o öz papağını xardalla yeməyi söz verib. Sözügedən mərc Twitter-də Musk-ın öz izləyiciləri ilə Falcon Heavy raketinin uğurlu start uçuşu barəsində müzakirəsi zamanı yaranıb.

Bir anlıq Musk Falcon Heavy raketinin uçuş xərcini “United Launch Alliance” rəqib şirkətinin Delta-4 raketinin istehsalı ilə müqayisə edib. Bundan əlavə olaraq Musk bildirib ki, Delta-4 raketinin kosmosa uçuş xərcinin böyük olmasına baxmayaraq o aşağı effektivliyə sahibdir. Müəyyən vaxtdan sonra müzakirəyə “United Launch Alliance” şirkətinin CEO-su Tory Bruno qatılıb və Musk ilə razı olmadığını qeyd edib. O qeyd edib ki, Delta-4 raketinin istehsalı o qədər də bahalı olmayıb və bununla yanaşı unikal imkanlara sahib olub.

Çox güman ki, o, Falcon Heavy-nin bu cür imkanlaa sahib olmadığını bildirmək istəyib. Maraqlısı ondadır ki, Tory Bruno yaxın zamanda Vulcan raketinin çıxacağını və Falcon Heavy ilə rəqabət apara biləcəyini bildirib. Cavabında isə Musk ona inanmayıb və qeyd edib ki, raketin uçuş xərci 600 milyon dollardan çoxdur. Lakin heç sirr deyilki Musk-ın ən çox xətrinə dəyən Vulcan raketinin yaxın zamanda kosmik uçuş reallaşdıracağı ehtimalıdır. Buna görə də o, mərc təklif edib. O bildirib ki, rəqib raket 2023-cü ilə kimi kosmosa qalxsa o öz papağını yeyəcək.