drzeka zeka kartları

Elon Musk, 'SpaceX'in ilk kosmik skafandrının tam fotosunu təqdim etdi

10.09.2017 0 PAYLAŞIM 400 OXUNMA

“SpaceX”in təsisçisi Elon Musk, şirkətin ilk skafandr versiyasının tam fotosunu təqdim edib.

O, fotonu öz Instagram hesabında paylaşıb. İlk dəfə skafandrın fotosu, Avqust ayının sonunda təqdim olunmuşdu. Lakin həmin fotoda skafandrın yalnız yuxarı hissəsi əks olunmuşdu. Bu dəfəki fotoda isə skafandrı geyinmiş şəxs, tam şəkildə əks olunub. Həmin fotonun fonunda isə Crew Dragon kosmik gəmisi əks olunub. Həmin kosmik gəmi sayəsində, Commercial Crew Program proqrammı çərçivəsində NASA astronavtları, BKS-ə (Beynəlxalq Kosmik Stansiya) yollanacaqlar. Həmçinin yeni fotoda, skafandrın digər komponentləri olan əlcəkləri, ayaqqabıları və şalvarı da görmək olar. Məlumata əsasən skafandrın germetizasiyasının pozulduğu halında o, astronavtın təhlükəsizliyini təmin etməyə qadir olacaq. Musk, şirkətin ilk skafandrı barəsində daha dolğun məlumatları, yaxın günlərdə verəcəyini bildirib.