"Ən maraqlı CV mənimdir" deyənləri belə utandıracaq CV-lər

08.05.2017

Hər birimiz CV hazırlayarkən çalışırıq ki, bizim CV formamız digərlərindən həm dizayn həm də struktur baxımından fərqlənsin. Adətən düzgün hazırlanmayan CV-lər HR-ların diqqətini çəkməyi bacarmır. İnternetdən əldə etdiyimiz CV formaları isə dizayn baxımından çox da səliqəli deyil. Aşağıda görəcəkləriniz xaricdə iş axtaran gənclərin özləri üçün hazırladıqları interaktiv CV formalarıdır.

Robby Leonardi-nin oyunu

İnteraktiv CV dedikdə ağlıma gələn ilk CV, Robby Leonardi-nin hazırladığı interaktiv oyun CV-dir. Sanki bir oyun oynayırmış kimi Robby-nin CV-si ilə tanış oluruq. Sayt ilk baxışdan uşaqlığımızdan bəri bizim üçün əfsanə olaraq qalan Mario oyununu xatırladır.

Philippe Dubost-un Amazon-u

Philippe Dubost adlı gəncin, Amazon adlı dünya nəhəngi şirkətin saytına bənzəyən interaktiv CV-si qısa zaman içərisində 1.5 milyondan artıq insan tərəfindən görüntülənmiş və nəticədə New York-da yerləşən Birchbox şirkətində işə düzəlmişdir.

The Lo-Fi

Microsoft-un sistem proqramlarından olan Paint yəqin ki, hər kəsə məlumdur. Bəs Paint-də hazırlanan CV necə? Eugene adlı bu gəncin hazırladığı CV işverənlərin diqqətini tez bir zamanda cəlb etmişdir. Qısa zaman kəsiyində milyonlarla baxış alan bu saytı xəbərimizdə yerləşdirməyi özümüzə borc bildik.

"Gəl və Məni İşə Al"

Daan Louter adlı bu gənc isə dünyaca məşhur The Guardian media agentliyində işləmək istəyirdi və o, bu interaktiv CV formasını hazırladı. Bu CV-də bizim bəyəndiklərimiz siyahısındadır.

Paylaş

Bənzər xəbərlər