Pablo Escobarın qardaşı tərəfindən hazırlanan Escobar markalı qatlana bilən ekranı olan telefonlar keçən il satışa çıxmışdı. Keçən ilin ən ucuz qatlana bilən ekrana malik modeli olan Escobar Fold-un bu səfər Escobar Fold 2 modeli təqdim olundu. Qeyd edək ki, bu telefonlar Roberto Escobar tərəfindən hazırlanır. 

        Şəkildə soldakı model Escobar Fold 2 modeli, sağda isə Galaxy Fold modeli yerləşir. Cihazın parametrlərinə gəldikdə isə 7.3 düym ekran, 3 arxa kamera (12 MP+12MP+16 MP), öndə isə 2 kameraya (8 MP+10MP) malikdir. Prosessor olaraq Snapdragon 855 istifadə edən cihazda 4380 mAh batareya tutumu var. Həmçinin fiziki barmaq izi sensoru da cihazda mövcuddur. Escobar İnc. tərəfindən açıqlanan məlumata görə şirkət hazırda 200.000 ədəd istehsal etmə bacarığına malikdir. Telefonun 8 GB ramlı və 128 Gb yaddaşa malik versiyası 399 Dollara satışa çıxacaq. 12 GB Ram və 512 GB yaddaşı olan model isə 549 dollara satışda olacaq.