Etibarlı smartfonu necə almalı və smartfonda problemin olduğu halda nə etməli?
Elm & Texnologiya
07.05.2017
Farid
Bəzilərimiz üçün yeni smartfon ciddi alışdır. Hələ bir neçə il bundan öncə smartfonların qiyməti aşağı idi. Lakin indi etibarsız smartfon alışı alıcının cibinə ciddi zərər vura bilər. Mağazalar isə həmin cihazları yenisi ilə əvəzləməkdən çox zaman bəhanələr gətirərək imtina edirlər. Bu məqaləmizdə etibarlı smartfonu necə seçmək və problemli məhsulun olduğu zaman nə etməli olduğu barəsində yazdıq.
Yaxşı smartfonu necə seçməli?
Yaxşı smartfonu necə seçməli?İlk öncə sizi
maraqlandıran cihaz haqqında internetdə araşdırma aparmaq lazımdır. Bununla
yanaşı siz bunu təkcə cihazın satıldığı mağazanın saytında deyil, həmçinin digər
saytlardada etməlisiniz. Adətən müəyyən cihaz haqqında rəylər pulla yazılmış
olur. Lakin onların arasında tamamilə düzgün rəylərə də rast gəlmək olar.
Bundan əlavə olaraq cihazı alacağınız mağazanın reytinqinə nəzər salın. Həmin
mağazanın cihazlarla yaranmış problemləri necə həll etdiyi haqqında rəylərə
fikir verin. Alış zamanı smartfonu diqqətlə incələyin və yoxlayın. Cihaza SIM
kartınızı taxın, hansısa tətbiqi işə salın, cihazın səs xüsusiyyətlərini
yoxlayın və kimsəsə zəng edərək şəbəkənin necə işlədiyindən əmin olun. Nəzərə
alın ki, əgər smartfon mağazada problemlər yaratsa onda onun alışından sonra
yüklədiyiniz onlarla tətbiqlər həmin problemlərin sayını artıracaq.
Hansı smartfonlar saxta hesab olunur?
Hansı smartfonlar saxta hesab olunur?Əsasən bu cür smartfonların istifadəsi çox çətin, bəzən isə
mümkünsüz olur. Məsələn smartfonun şəbəkəsi itir, birdən birə ekran sönür, tətbiqlər
normal işləmir, kamera lazımi səviyyədə performans göstərmir, əməliyyat sistemi
öz-özünə yüklənir və ya cihazın korpusunda problemlər olur. Bir qayda olaraq
bütün ucuz smartfonlarda bu problemlərə rast gəlinir. Əgər bu cür smartfon
almağı planlaşdırırsınızsa onda olacaq problemlərə də özünüzü
hazırlamalısınız. Cihaz nə qədər ucuz olsa onun etibarlılıq səviyyəsi bir o qədər
aşağı olacaq.
Smartfon zədələnəndə nə etməli?
Smartfon zədələnəndə nə etməli?Bu zaman cihazı, aldığınız mağazaya aparıb problemin məğzini
başa salın. Çox güman ki, sizi mağazanın servis mərkəzi şöbəsinə yönləndirəcəklər.
Lakin sizin həmin servis mərkəzinə getməmək kimi bir hüququnuz var. Belə ki,
siz cihazı alan zaman vəsaiti məhz servis mərkəzinə deyil, mağazaya ödəmisiniz.
Optimal çıxış yolu kimi zədələnmiş cihazı problemlərin və tələblərin əks
olunduğu ərizə ilə birlikdə satıcıya təqdim etməkdir. Siz mağazadan cihazın təmirini,
onun yenisi və ya digər modeli ilə (ucuz və ya baha fərq etmir) dəyişilməsini tələb edə və
ya alışı ümumiyyətlə ləğv etdirərək xərclədiyiniz vəsaiti geri ala bilərsiniz. Lakin
vəsaiti geri almaq lakin 4 halda mümkündür.
- Cihazın alındığı tarixdən 15 gün müddəti ərzində problemin
aşkar edilməsi halında
- Ciddi problemin aşkar edilməsi halında (o problem ki, yalnız
bir dəfə aradan qaldırıla bilər)
- Smartfonun 45 gün ərzində təmirdə olduğu halda
- Problemin bir neçə dəfə aradan qaldırılması nəticəsində zəmanət
müddətinin hər il ərzində smartfondan istifadənin mümkün olmadığı halda.
Qalan bütün hallarda mağaza yalnız 45 gün müddətinə cihazı təmirə
qəbul edə bilər. Zəmanət üzrə təmir üçün ayrılmış müddətdə siz mağazadan 3
günlük istifadə üçün həmin tələblərə cavab verən digər cihazı tələb edə bilərsiniz.
Əgər mağaza bu öhdəlikləri yerinə yetirməkdən imtina etsə onda siz müvafiq
orqanlara şikayət edərək mağazanı cərimələyə bilərsiniz.
Paylaş
Bənzər xəbərlər
