Face ID texnologiyasını maska vasitəsilə aldatdılar (VİDEO)
Elm & Texnologiya
11.11.2017
Emil Nəcəfov
iPhone X-in təqdimatı zamanı “Apple” şirkətinin mühəndisi Philip Schiller bildirmişdi ki, Face ID texnologiyasını aldatmaq qeyri-mümkündür.
Onun sözlərinə görə
texnologiyanın, əsl insan üzünü maskadan ayıra bilməsi üçün şirkət Hollywood-da
çalışan qrim mütəxəssisləri ilə əməkdaşlıq etmişdir. Bununla belə, vyetnamlı
mütəxəssislər bu texnologiyanı aldatmağa nail olublar. Belə ki, “Bkav” adlı
şirkət insan üzünü təkrarlayan xüsusi maska yaradıb. Həmin maskanın istehsalı
zamanı 3D printerdə çap olunmuş, qrimlənmiş karkasdan və göz ilə dodaqların 2D
fotolarından istifadə olunub.
Beləliklə sözügedən maska vasitəsilə Face ID
texnologiyasını aldadaraq iPhone X-i blockdan çıxarmaq mümkün olub. Bundan əlavə
olaraq improvizə edilmiş manekenin yanaqları xüsusi şəkildə işlənmişdir. “Bkav”
şirkəti bu təcrübənin videosunu təqdim edib. Həmin videoda Face ID
texnologiyasının necə maskadan məlumatları qəbul edərək iPhone X-i blockdan
çıxartdığı əks olunub. Daha sonra şirkət əməkdaşlarından biri smartfonu öz üzünə
yaxınlaşdıraraq yenidən onu blockdan çıxarıb.
Bununla da o sübut edib ki, şirkətin
üz tanıma sistemi hələ də ideal deyil. Lakin qeyd etmək lazımdır ki, realda bu
cür maskalardan qorxmaq lazım deyil. Belə ki, onların yaradılması çox qəlizdir
və çoxlu pul tələb edir. Bundan əlavə olaraq unutmaq lazım deyil ki, Face ID
texnologiyası süni zəka əsasında çalışır. Yəni o, insan üzünü daima incələyir.
Bu isə o deməkdir ki, sistem mütəmadi olaraq özünü təkmilləşdirir və müəyyən
vaxtdan sonra onu bu cür maskalar vasitəsilə aldatmaq qeyri mümkün olacaq.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!