Facebook şirkəti Oculus Quest adlı virtual reallıq cihazını təqdim etdi (VİDEO)

    Facebook-a məxsus olan Oculus şirkəti Oculus Quest adlı yeni avtonom virtual rellıq cihazını təqdim edib. Oculus Quest gələn ilin yaz fəslində 399$ qiymətində satışa çıxacaq. Oculus Quest smartfona və ya kompüterə qoşulmadan çalışmaq özəlliyinə sahibdir. Cihaz 4 ədəd genişbucaqlı kamera ilə təchiz olunub. Bununla yanaşı Oculus Quest-in komplektində həmçinin sensorlu idarəetmə cihazları da olacaq. Bu virtual reallıq cihazının sistemində 50-ə yaxın oyun olacaq. Oculus Quest şirkətin ilk avtonom reallıq cihazıdır ki, 6 azadlıq səviyyəsinə sahibdir. Yəni cihazın sistemi istənilən istiqamətdə istifadəçi başının hərəkətlərini təyin edə bilir. Şirkət cihazın digər texniki göstəriciləri barəsində məlumat verməyib.