Facebook-un ilk smart eynəyi gələn il satışa çıxacaq

Facebook-un ilk smart eynəyi gələn il satışa çıxacaq

Texnologiya
30.07.2021 PAYLAŞIM

    Facebook şirkəti insanların ünsiyyətləri üçün nəzərdə tutulmuş ən məşhur tətbiqlərə sahibdir. Söhbət, Whatsapp, Messenger Instagram-dan gedir. Bundan əlavə olaraq Oculus şirkəti də Facebook-un tərkibinə daxildir və bu şirkət virtual reallıq (VR) sahəsində innovativ məhsulları ilə tanınır. Facebook isə uzunmüddətli perspektivdə məhz virtual reallıq sahəsinə böyük təsir göstərmək istəyir. Bu texnologiya artıq uzun illərdir ki, Facebook yaradıcılarının maraqlarını cəlb edir. Mark Zuckerberg dəfələrlə bildirib ki, o, VR və AR (artırılmış reallıq) sahələrində müxtəlif məhsullar ilə təcrübələr aparır. Artıq məlumdur ki, Facebook Ray-Ban şirkəti ilə birlikdə “smartfon kimi çalışan” smart eynək üzərində çalışır.

    Lakin “smartfon kimi çalışan” cümləsinin hansı mənanı verdiyini indi söyləmək çətin məsələdir. Bu, VR və AR sahəsində olan ən iddialı layihələrdən biridir və o, hər iki şirkətin külli miqdarda vəsaitini sərf edir. Lakin Facebook bu layihənin artıq final mərhələsinə yaxınlaşır. Belə ki, Facebook-un ilk smart eynəyinin təqdimatı artıq gələn il baş tuta bilər. Mark Zuckerberg öz müsahibəsində bildirib ki, məişət texnikası sahəsində növbəti məhsul kateqoriyası məhz smart eynək olacaq. Şirkətin ilk smart eynək modeli xarici görünüşcə adi eynəyi xatırladacaq. Lakin buna baxmayaraq o, özünəməxsus dizaynı ilə seçiləcək.


    Facebook-un əsas ideyası ondan ibarətdir ki, istifadəçilər smart eynəkləri gündəlik həyatda rəqəmsal dünya ilə qarşılıqlı əlaqə aləti kimi istifadə etsinlər. Təəccüblü deyil ki, şirkət smart eynəyin texniki özəllikləri barəsində heç bir məlumat verməyib. Facebook-un yeni məhsulu istifadəçiyə tam VR təcrübəni təqdim etməyəcək. Lakin çox güman ki, o, AR obyektləri istifadəçinin gözlərinə əks etdirə biləcək. Çətin ki, Facebook bu ilin sonuna kimi sözügedən smart eynəyin təqdimatını təşkil edə bilsin. Lakin həmin eynəyin gələn il təqdim olunmasına dair bütün şanslar var.i

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Avropa Birliyi smartfonlar üçün şarj cihazlarının vahid standartını hazırlayır: ..

Avropa komissiyası sabah smartfonlar, planşetlər və qulaqlıqlar üçün nəzərdə tutulmuş şarj cihazları..


İnsayderlər Apple A16 Bionic prosessoru barəsində ilkin məlumatları veriblər..

Mütəxəssislərin fikirlərinə əsasən iPhone 13 modellərində istifadə olunan Apple A15 Bionic prosessor..


SpaceX-in Inspiration4 adlı mülki missiyası uğurla yekunlaşıb

Inspiration4 adlı mülki missiya çərçivəsində istifadə edilmiş Crew Dragon kosmik gəmisi uğurla Atlan..


Naqilsiz Apple AirPods 3 qulaqlıqları bu ilin sonuna kimi təqdim olunmalıdırlar..

Apple şirkəti iPhone 13 smartfonlarını təqdim edən zaman bir çoxları yeni naqilsiz AirPods 3 qulaqlı..


Yeni GoPro Hero 10 Black action kamerası təqdim edilib - QİYMƏTİ

GoPro şirkəti özünün Hero 10 Black adlı yeni flaqman action kamerasını təqdim edib.


SpaceX heç bir astronavtın iştirakı olmadan 4 nəfər turisti kosmosa göndərib (Vİ..

Kosmik uçuşlar yeni bir şey deyil. Lakin bununla adətən professional şəxslər məşğul olurlar. SpaceX ..

×