Falcon Heavy Tesla Roadster-dən də əlavə yük daşıyıbmış
Elm & Texnologiya
12.02.2018
Farid Pardashunas
Məlum olub ki, Falcon Heavy raketinin ilk uçuş testi zamanı o, kosmosa təkcə Tesla Roadster avtomobilini göndərməyib.
Belə ki, Arch Mission adlı təşkilat
Tesla Roadster-in daxilinə həmçinin məşhur yazıçı Ayzek Azimov-un “Foundation” trilogiyasını
özündə daşıyan kvarslı sərt diski də yerləşdirib. Bu layihənin təsisçilərinin
ideyasına əsasən beləliklə Yer kürəsində qlobal fəlakətin baş verməsi halında
insanlığın bütün biliklərinin kosmik geri dönüşünün ilk addımı atılıb.
Bu barədə
TechCrunch saytı xəbər verib. Arch, diametri 10 sm olan kvars diskidir. Həmin
disk isə özündə 360 TB-lıq məlumat saxlama qabiliyyətinə sahibdir. Radiasiyaya
baxmayaraq həmin disk kosmosda 14 milyard ilə kimi qala bilər. Missiyanın əsas
məğzi isə insan tarixində biliklərin toplusu olan ən böyük kitabxananın
yaradılmasıdır. Arch Mission təşkilatının təsisçisi Nova Spivack Falcon Heavy
raketində öz kiçik yükü üçün əlavə yeri Twitter-də Elon Musk-a yazandan sonra əldə
edib.
Musk ilə şəxsi görüşdən sonra “SpaceX”in CEO-su bu ideyanı bəyənib və
yazıçı Ayzek Azimov-un “Foundation” trilogiyasının Falcon Heavy missiyasının
bir parçası olacağına söz verib. Kosmosda olacaq biliklər toplusu Yer kürəsində
baş verə biləcək nüvə müharibəsi və ya digər fəlakətlər üçün nəzərdə tutulub.
Əgər insanlıq Elon Musk-ın istədiyi kimi multiplanetar növ olsa, onda insanlar
hətta Yer kürəsindən uzaqda olduqları bir şəraitdə də insanlığın bütün biliklərinə
yiyələnə biləcəklər.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ