Galaxy A8 haqda bilməli olduğunuz əsas xüsusiyyətlər

"Samsung”un yeni model telefonu Galaxy A8 (2016) sahib olduğu iddialı xüsusiyyətləri ilə tanıtıma çıxmağa hazırlaşır. Samsung son dövrlərdə yaşadığı mənfi təcrübədən sonra Galaxy A seriyasında daha güvənilən performans ortaya qoymağa hazırlaşır. Keçdiyimiz günlərdə 2017 modeli olan Galaxy A5-in xüsusiyyətlərini açıqlayan Samsung şirkəti, artıq 2016 model olan Galaxy A8 haqda məlumatları təstiqləyib. Belə ki, Galaxy A8 Amerika mobil standartlarını tətqiq edən ən vacib quruluşlardan olan FCC tərəfindən təstiq olunub. Şirkət həmçinin yeni modelin bəzi xüsusiyyətlərini də paylaşıb.

Galaxy A8 (2016) xüsusiyyətləri

Daha əvvəl 5.1 inç böyüklüyə malik olacağı deyilən Galaxy A8-in yeni açıqlamalara görə 5.7 inç olması gözlənilir. SM-A810S model nömrəsi daşıyacaq Galaxy A8 (2016) telefonunda Full HD keyfiyyətli Super AMOLED ekran istifadə olunacaq. Bundan əlavə Galaxy Note 5 və Galaxy S6 seriyasında istifadə olunan səkkiz nüvəli Exynos 7420 prosessoru Galaxy A8 (2016) modelində də istifadə olunacaq. Android 6.0.1 Marshmallow əməliyyat sistemi ilə çıxış edəcək telefonda həmçinin 3 GB RAM, 32 GB artırıla bilən daxili yaddaş həcmi, 16 MP arxa kamera, 5 MP ön kamera, barmaq izi skaneri, NFC xüsusiyyətləri yer alacaq.