Galaxy S9 Plus iPhone X-ə qarşı. Dözümlülük testi (VİDEO)

12.03.2018 0 PAYLAŞIM 484 OXUNMA

Galaxy S9 və S9 Plus modellərinin ilk icmal videoları ilə birlikdə yeni smartfonların dözümlülüklərinə aid ilk videolar da çıxmağa başlayıb.

    Məsələn EverythingApplePro adlı YouTube kanalının müəllifləri Galaxy S9 Plus ilə iPhone X modellərinin dözümlülük testlərini keçirdərək bu iki smartfonu müqayisə ediblər. Hər iki smartfon ön və arxa tərəfdən şüşə ilə örtülüb, onların ekran ətrafı çərçivələri isə nazikdir. Galaxy S9-un çərçivəsi gücləndirilmiş alüminium ərintisindən, iPhone X-in çərçivəsi isə paslanmayan poladdan hazırlanıb.

    90 santimetr hündürlükdən kənar tərəf üzərinə düşüş testi zamanı smartfonlar zədələnməyiblər. Həmin hündürlükdən arxa panel üzərinə düşüş testindən də smartfonlar uğurla keçiblər. Smartfonlar həmçinin həmin hündürlükdən ejkran üzərinə düşüş testini də keçiblər. Lakin 150 santimetr hündürlükdən düşüş zamanı iPhone X zədələnməsə də Galaxy S9 Plus-ın arxa paneli çatlayıb. İkinci düşüşdə isə iPhone X-in arxa panelində çatlar yaranıb. Həmin hündürlükdən ekran üzərinə düşüş testində hər iki smartfonun ekranı yararsız hala düşüb.