Son məlumatlara əsasən Apple şirkəti OLED ekranlı ilk iPad Pro planşetini gələn il təqdim edəcək. Ortaya çıxmış yeni məlumata əsasən isə bu cür iPad Pro modeli böyük yaddaş həcminə sahib versiyada da satışa çıxacaq. Hal hazırda aktual olan iPad Pro modeli mini-LED ekranla təchiz olunur və maksimum 2 TB daxili yaddaş həcmini təklif edir. Yeni məlumatda isə qeyd edilib ki, gələn il təqdim olunacaq yeni iPad Pro modeli OLED ekran ilə təchiz olunmaqla yanaşı həmçinin 4 TB daxili yaddaş həcmini özündə birləşdirəcək. Bu cür böyük həcmli daxili yaddaşa sahib iPad Pro-nun hansı qiymətə satılacağı bilinmir. Hal hazırda aktual olan iPad Pro-nun 2 TB yaddaşa sahib versiyası LTE dəstəyinə sahib olub-olmamasından asılı olaraq 1900-2400$-a başa gəlir.