Google flaqman Chromebook-ları Chromebook X brendi altında satacaq

    Google artıq uzun zamandır ki, bazarda Chromebook-ları təklif edir. Bu, şirkətin ChromeOS adlı əməliyyat sistemi vasitəsilə çalışan noutbuklarıdır. Adi Chromebook-lardan əlavə olaraq Google həmçinin daha performanslı və bahalı Chromebook modellərini də təklif edir. Heç istisna deyil ki, yaxın gələcəkdə performanslı və bahalı Chromebook-lar digər brend adı altında satılsınlar. Məlum olub ki, şirkət Chromebook X üzərində çalışır və o, performanslı və bahalı Chromebook modelləri üçün nəzərdə tutulacaq ayrıca alt brend olacaq.

    Məlumatda qeyd edilib ki, Chromebook X brendi altında satılacaq noutbuklar bəzi tələblərə cavab verməli olacaqlar. Belə ki, onlar AMD ilə Intel-in müəyyən prosessorları, geniş həcmli RAM yaddaşı və keyfiyyətli veb kamera ilə təchiz olunmalıdırlar. Bundan əlavə olaraq Chromebook X modelləri adi Chromebook-larda olmayan proqram təminatı imkanlarını da əldə edə bilərlər. Məlumata əsasən Chromebook X brendi altında satışa çıxacaq ilk noutbuklar artıq bu ilin sonuna kimi təqdim oluna bilər.