Google Home ağıllı səsgücləndiricisi eşitdiyi hər bir şeyi yazır

11.07.2019 0 PAYLAŞIM 108 OXUNMA

    Google Home ağıllı səsgücləndiriciləri hətta istifadəçilərin həmin səsgücləndiricilərə müraciət etmədikləri halda da onların danışıqlarını dinləyir. Bu barədə VRT News saytına istinadən Macdigger saytı xəbər verib. Qeyd etmək lazımdır ki, hələ bir neçə müddət bundan öncə istifadəçilərin danışıqlarının dinlənilməsində Amazon şirkətinin Amazon Alexa ağıllı səsgücləndiricisi də günahlandırılmışdı. Həmin vaxtda Amazon şirkəti bunun doğru olduğunu etiraf etmişdi.

    VRT News saytına bu barədə məlumat vermiş anonim şəxs Hollandiyadan və Belçikadan olan Google Home istifadəçilərinin özəl danışıqlarını özündə əks etdirmiş səs yazısını təqdim edb. Həmin səs yazılarında adi danışıqlar və ailə daxili mübahisələr var idi. Həmin istifadəçilər ağıllı səsgücləndiriciyə “Ok, Google” deyərək müraciət də etməmişdilər.

    VRT News saytı xəbər verib ki, bu məlumatı təqdim etmiş anonim şəxsin işi məhz bu cür danışıqların deşifrələməsi olub. Rəsmi bəyanata əsasən bu, ağıllı səsgücləndiricinin daha da təkmilləşdirilməsi üçün edilir. Lakin Google Home cihazının sənədlərində onun daimi olaraq istifadəçilərin danışıqlarını dinləməsi barəsində heç bir məlumat yoxdur. Google şirkətinin təmsilçiləri bu barədə hələki heç bir fikir bildirməyiblər.