Google Pixel 10-da istifadə ediləcək Tensor G5 prosessorunun bəzi texniki imkanları açıqlanıb
Elm & Texnologiya
24.10.2024
Emil
Android Authority saytı gələn il təqdim olunacaq Google Pixel 10 smartfonlarında istifadə ediləcək Tensor G5 prosessorunun əsas özəllikləri barəsində məlumat verib. Məlumata əsasən Tensor G5-in hazırlanması prosesində Google şirkəti daha öncəki prosessorlarda istifadə edilmiş Samsung texnologiyalarından imtina edib. Beləliklə Tensor G5-in hazırlanma prosesində Samsung iştirak etmir.
Məlumatda qeyd edilib ki, bu yeni prosessor 8 nüvəli olacaq və onun daxilində nüvələr “1+5+2” sxemi üzrə yerləşəcəklər. Prosessor özündə 1 ədəd Cortex-X4 nüvəsini, 5 ədəd Cortex-A725 nüvəsini və 2 ədəd Cortex-A520 nüvəsini birləşdirəcək. Prosessorda qrafik imkanlardan isə IMG DXT adlı 2 nüvəli qrafik çip cavabdeh olacaq. Sözügedən qrafik çip öz növbəsində ray-tracing texnologiyasını dəstəkləməlidir. Gözləntilərə əsasən Tensor G5 prosessoru TSMC şirkətinin 3 nanometrlik texnoloji prosesi əsasında istehsal ediləcək.
Paylaş
Ən çox oxunanlar
REDMI Turbo 4 Pro subflaqman smartfonu təqdim olunub - QİYMƏTİ
