Google Pixel 3 və Pixel 3 XL modellərinin tam halı sızdırıldı (VİDEO)
Elm & Texnologiya
27.06.2018
Nijat Hamid
Öz fərqli dizaynı və Project Treble dəstəkli olan Pixel seriyasının ən yeni flaqman modelləri Pixel 3 və Pixel 3 XL modellərinin tam halı artıq sızdırılmış oldu. Steve Hommerstoffer (OnLeaks) və MySmartPrice kimi sızıntıları doğru olan mənbələrin hazırladığı videolara görə telefonun son halı əvvəlki Pixel 2 seriyasına oxşar olacaq.
Pixel 3 seriyasında yenə 18:9 ekran və stereo dinamiklər olacaq. XL modelində isə çərtikli ekran olacaq. Hər 2 model dual selfie kamerasına malikdir.
Cihazlar əvvəlki flaqman model olan Pixel 2 seriyasına çox oxşayır. Pixel 3 və Pixel 3 XL modelinin digər fərqli cəhəti artıq metal gövdə yerinə, şüşəli hibrid gövdədən istifadə ediləcək. Əsas səbəb olaraq, naqilsiz sürətli sarj texnologiyasının istifadə edilməsidir. Telefonlarda Snapdragon 845 çipset, 4/6 Gb ram və 128/256 Gb yaddaş xüsusiyyətləri olacaq. Pixel 3 və Pixel 3 XL modellərinin 4 Oktyabr tarixində Google konfransı zamanı tanıdılması gözlənilir.
Linki kopyala
Həftənin xəbərləri
Ən ağıllı çat-bot IQ testində insanı geridə qoyub
Süni zəkanın köməyilə yaradılmış dərman insanlar üzərində test edilir