4 oktyabr tarixində Google şirkəti yeni Pixel cihazlarının təqdimatlarını keçirəcək. Yeni məhsullar arasında Pixel 8 smartfonları ilə Pixel Watch 2 smart saatı olacaq. İndi isə Pixel Watch 2-nin yeni render fotosu təqdim edilib. Təqdim edilmiş render foto sözügedən smart saat barəsində daha əvvəl olmuş məlumat sızıntılarını təsdiqləyir. Yəni yeni smart saat keçən il təqdim edilmiş Pixel Watch-un dizaynını əldə edəcək. Texniki göstəricilər baxımından Pixel Watch 2-nin 384x384 piksel keyfiyyətli 1.2 düym OLED ekran, Snapdragon W5 Gen 1 prosessoru və 306 mAh enerji tutumlu batareya ilə təchiz olunacağı gözlənilir.