Google şirkəti Chromebook Plus adlı yeni noutbuk kateqoriyasını təqdim edib

    Google şirkəti ChromeOS əməliyyat sistemi vasitəsilə çalışacaq yeni noutbuklar kateqoriyasını təqdim edib. Söhbət, Chromebook Plus-dan gedir. Bu noutbuk kateqoriyasına orta səviyyəli texniki göstəricilərə sahib cihazlar daxil olacaqlar. Google bu yeni noutbuk kateqoriyasının özəlliklərindən və kateqoriyaya daxil olacaq cihazların minimal texniki göstəricilərindən danışıb.

    Google şirkətinin özü Chromebook Plus noutbuklarını istehsal etməyəcək. Bunun yerinə şirkət sözügedən platformanı kənar istehsalçılara təqdim edəcək. Acer, HP, ASUS və Lenovo kimi şirkətlər artıq özlərinin Chromebook Plus modellərini anons ediblər. Chromebook Plus kateqoriyasına daxil olacaq cihazların minimal texniki göstəriciləri aşağıdakı kimi olacaq.

- Full HD keyfiyyətli IPS ekran.

    Chromebook Plus kateqoriyasına daxil olacaq cihazlar xüsusi proqram təminatının dəstəyi ilə fərqlənəcəklər. Məsələn Google sözügedən platformaya Adobe Photoshop-u, Adobe Express-i və LumaFusion tətbiqlərini inteqrasiya edəcək. Chromebook Plus alıcıları Adobe şirkətinin adları qeyd edilmiş servislərinin veb versiyalarından və NVIDIA şirkətinin GeForce Now bulud servisindən 3 ay ərzində pulsuz yararlana biləcəklər.