Google şirkəti YouTube servisinin uşaqları izləməsinə görə cərimələnəcək

Google şirkəti YouTube servisinin uşaqları izləməsinə görə cərimələnəcək

Texnologiya
20.07.2019 PAYLAŞIM

    Son zamanlarda bir çox ölkələrin hökumətləri insanların internetdəki konfidensiallıqlarına çox böyük diqqət ayırırlar. Faktiki olaraq bu cür qanunların hamısının məğzi ondan ibarətdir ki, istifadəçi hər hansı bir servisin onun bu və ya digər məlumatını istifadə etdiyini bilməli və lazım gəldikdə həmin servisə bunu etməkdə məhdudlaşdırmaq imkanına sahib olmalıdır. Bu cür məsələ çərçivəsində məşhur YouTube videoservisinin uşaqlara qarşı qeyri-müəyyən işi nəticəsində Google şirkətini külli miqdarda cərimə gözləyir. Bu barədə Business Insider saytına istinadən 4pda saytı xəbər verib.

    Şirkət ona görə günahlandırılır ki, YouTube videoservisi 13 yaşına kimi olan istifadəçilərin həmin videoservisdəki əməliyyatlarını izləyərək onların üzərində targetinq reklamı qurub. Başqa sözlə desək, uşaqların konfidensiallıqları videoservis tərtibatçıları tərəfindən nizamlandırılmayıb. ABŞ hökumətinin fikrincə Google şirkəti yetkinlik yaşına çatmamış istifadəçiləri lazımi şəkildə qoruya bilməyib və onlar barəsində olan məlumatları yığıb. Bu isə birbaşa “İnternetdə uşaqların konfidensiallıqlarının qorunması” (COPPA) qanununun pozulması deməkdir.

    Məlum olan tək bir şey var ki, Google şirkətini milyonlarla dollar dəyərində cərimə gözləyir. Vəsaitin dəqiq miqdarı isə ABŞ-ın ədliyyə nazirliyinin qərarından sonra təyin ediləcək. 1 ay bundan öncə Google şirkəti bildirmişdi ki, o, YouTube-dakı bütün uşaq kontentlərini YouTube Kids tətbiqinə daşımağı planlaşdırır. Qeyd etmək lazımdır ki, Google-dan əlavə olaraq Apple, Facebook Amazon şirkətləri də ABŞ-ın federal ticarət komissiyasının nəzarəti altındadırlar. Məşhur Tik-Tok servisi artıq 5.7 milyon dollar dəyərində cərimələnib. Belə ki, servis 13 yaşına kimi olan uşaqların məlumatlarının yığılması üzrə valideyn razılığı özəlliyinə sahib deyil.



SİZƏ MARAQLI OLACAQ BİR NEÇƏ MƏLUMAT


Satılmış 1 milyon Galaxy Fold məlumatı təkzib olundu

Dünən xəbər verilmişdi ki, Samsung şirkəti artıq bütün dünya üzrə 1 milyon ədəd qatlana bilən Galaxy..


ABŞ ilə Çin razılığa gəldilər: Apple məhsullarının qiymətlərində artım olmayacaq..

ABŞ və Çin hökumətləri öz aralarında ilkin ticarət razılaşmasını əldə ediblər.


Smartfon bazarının lideri Samsung-dur: Lakin Huawei öz rəqibinə artıq çox yaxınd..

2019-cu il hələ sona çatmasa da Strategy Analytics şirkəti bu ilin yekun nəticələri vasitəsilə smart..


Kirin 990-dan 50% daha güclü: Huawei Kirin 1020 prosessoru barəsində ilkin məlum..

Baxmayaraq ki, Huawei şirkətinin Kirin 990 prosessoru hələ sentyabr ayında təqdim edilmişdi, artıq o..


Windows 10 ilə artıq telefon zənglərini komputer üzərindən cavablamaq mümkündür..

Windows 10 əməliyyat sisteminin Your Phone tətbiqi vasitəsilə artıq Android telefonlara gələn zənglə..


Uşaqların təhlükəsizlikləri üçün olan funksiya iOS 13.3-də düzgün çalışmır..

Apple şirkəti dəfələrlə iOS əməliyyat sisteminin təhlükəsizliyi barəsində danışıb.