Google şirkətinin ilk smart saatının prototipinin real fotoları təqdim edilib

Google şirkətinin ilk smart saatının prototipinin real fotoları təqdim edilib

Texnologiya
25.04.2022 PAYLAŞIM

    Keçən həftə məlum oldu ki, Google şirkəti Pixel Watch adlı ticarət nişanını qeydiyyatdan keçirdib. Şirkət sözügedən ticarət nişanı altında ilk smart saatını təqdim etməyi planlaşdırır. İndi isə Pixel Watch-un prototipi güman edilən smart saatın real fotoları internetdə ortaya çıxıb. Verilmiş məlumata əsasən sözügedən cihaz ABŞ-dakı restoranlardan birində aşkar edilib. Çox güman ki, cihazın əsl sahibi onu həmin restoranda sadəcə olaraq unudub. Təqdim edilmiş fotolarda minimalistik dizayna sahib cihaz əks olunub.


    Cihaz dairəvi formalı ekrana və kiçik ölçülü çərçivələrə sahibdir. Bununla yanaşı smart saatın prototipinin gövdəsində hərəkətli çarx, bir ədəd fiziki düymə və mikrofonu xatırladan hansısa sistem yerləşdirilib. Smart saatın arxa panelində isə ürək döyüntülərinin ölçülməsi üçün nəzərdə tutulmuş sensor mövcuddur. Smart saat üçün əlavə olaraq silikon materialdan hazırlanmış kəmər də nəzərdə tutulub və həmin kəmər saatın gövdəsinə bərkidicilər vasitəsilə birləşdirilir. Ümumilikdə isə həmin kəmər Fitbit Versa Sense adlı smart saatlarda istifadə edilən kəmərlərə bənzəyir.

    Təəssüflər olsun ki, aşkar edilmiş bu cihazda istifadəçi interfeysi yüklənmir. Smart saatı aktivləşdirmək cəhdi zamanı onun ekranında Google şirkətinin loqosu əmələ gəlir, lakin istifadəçi interfeysinin yüklənməsi baş vermir. Güman olunur ki, Google şirkətinin ilk smart saat modeli Wear OS 3.0 əməliyyat sistemi vasitəsilə çalışacaq. Hal hazırda Pixel Watch barəsində digər bir məlumat yoxdur. Ola bilər ki, Google öz ilk smart saatını gələn ay keçiriləcək Google I/O 2022 konfransında təqdim etsin.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Naqilsiz yeni Redmi Buds 4 və Buds 4 Pro qulaqlıqları təqdim edilib - QİYMƏTİ..

Redmi brendi 2 ədəd yeni naqilsiz qulaqlığı təqdim edib. Söhbət, Redmi Buds 4 və Buds 4 Pro qulaqlar..


Yeni Xiaomi Mi Band 7 smart qolbağı təqdim edilib - QİYMƏTİ

Redmi brendi Redmi Note 11T Pro və Note 11T Pro+ smartfonlarından əlavə olaraq çoxdan gözlənilən Mi ..


Apple öz cihazlarında fiziki düymələrdən imtina etməyi planlaşdırır

Görünür, Apple şirkəti öz cihazlarında fiziki düymələrdən imtina etməyi planlaşdırır. Şirkətin yeni ..


Snapdragon 8+ Gen 1 və flaqman özəlliklərə sahib Snapdragon 7 Gen 1 prosessorlar..

Qualcomm şirkəti keçirtmiş olduğu xüsusi təqdimat tədbiri çərçivəsində yeni Snapdragon 8+ Gen 1 flaq..


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..

×