'Google' şirkətinin yeni süni zəkası 4 saata şahmatı öyrəndi və çempiona qalib gəldi
Elm & Texnologiya
07.12.2017
Emil Nəcəfov
Şahmat insan zəkası baxımından heç də sadə bir oyun deyil.
Lakin yeni süni zəka üçün həmin
oyunu mükəmməl şəkildə bir neçə saata mənimsəmək çətin olmayıb. “Google” şirkətinin
tədqiqatçıları öz yeni məqalələrində özlərinin AlphaZero adlı yeni süni zəkalarından
danışıblar. Belə ki, bu süni zəka şahmat oyununda insandan da üstün nəticələr
göstərib. O, 4 saat ərzində şahmat qaydalarını öyrənib və şahmat üzrə çempion
hesab olunan Stockfish adlı tətbiqə qalib gəlib. Beləliklə insanlığın şahmat
haqqında bilikləri 4 saat ərzində süni zəka tərəfindən mənimsənilib və hətta yeni
səviyyəyə yüksəldilib.
Bununla yanaşı süni zəkada şahmatın yalnız əsas
qaydaları proqramlaşdırılmışdı (strategiya olmadan). 100 partiyalı oyun
seriyasında AlphaZero Stockfish-ə qarşı ağ fiqurlarla oynayaraq 25 dəfə, qara
fiqurlarla oynayaraq isə 3 dəfə qalib gəlmişdir. Qalan oyun partiyaları isə
heç-heçə bitmişdir. Bununla yanaşı Stockfish bir dəfə də olsun qalib gələ bilməmiş,
AlphaZero isə bir dəfə də olsun uduzmamışdır. Təəccüblüsü ondadır ki, sözügedən
süni zəka heç kimlə oyanamayaraq özü-özünə bu oyunu öyrətmişdir. Əvvəlki nümunələr
isə əksinə canlı insanların şahmat oyunlarını izləyərək bu oyunu mənimsəyirdilər.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!