Google şirkəti artıq yaxın zamanda öz növbəti flaqman smartfonları üçün nəzərdə tutulmuş Tensor G3 prosessorunu təqdim edə bilər. Yeni məlumatlara əsasən Google Pixel 7 smartfonlarında istifadə edilən Tensor G2 ilə müqayisədə Tensor G3-ün performansı diqqət çəkəcək dərəcədə yüksələcək. İnsayderlər bildiriblər ki, Tensor G3 prosessoru 9 nüvəyə sahib olacaq.

    Prosessor özündə 3.3 GHz tezlikdə çalışan 1 ədəd Cortex-X3 nüvəsini, 2.6 GHz tezlikdə çalışan 4 ədəd Cortex-A715 nüvəsini və 2.2-2.3 GHz tezliklərdə çalışan 4 ədəd Cortex-A510 nüvəsini birləşdirəcək. Bir-birilərinə bənzəyən Tensor ilə Tensor G2-nin fonunda yeni prosessorda nüvələrin bu cür konfiqurasiyası olduqca müasir görünür. Bu isə öz növbəsində Tensor G3-ə rəqib brendlərin prosessorları ilə rəqabət aparmağa imkan verəcək.