Güzəştli mənzil ilə bağlı sistem sınaq versiyada istifadəyə verildi

Güzəştli mənzil ilə bağlı sistem sınaq versiyada istifadəyə verildi

Texnologiya
13.08.2018 PAYLAŞIM

Mənzil İnşaatı Dövlət Agentliyi (MİDA) “Güzəştli mənzil” sisteminin istifadəçilərinin mənzil seçimi prosesinin bütün mərhələləri ilə yaxından tanış olmasına, elektron imza sertifikatları və ya texniki avadanlıqlardan istifadə bacarıqlarının formalaşdırılmasına nail olmaq məqsədilə avqustun 4-də satış modulunun sınaq (demo) versiyasını istifadəyə verib.

Bu barədə Techote.az-a MİDA-nın mətbuat xidmətindən məlumat verilib..

“Güzəştli mənzil” sistemində elektron kabinetə sahib olmuş vətəndaşlar “Elektron hökumət” portalı (www.e-gov.az) üzərindən Elektron İmza (www.e-imza.az) və ya "Asan İmza" (www.asanimza.az) ilə öz elektron kabinetlərinə daxil olub, onlara təqdim edilmiş xüsusi keçid vasitəsilə satış modulunun sınaq versiyasından istifadə edə bilərlər.

Sınaq versiyasının təlim məqsədli olmasına baxmayaraq, bütün əməliyyatlar “Elektron hökumət” portalı üzərində real vaxt rejimində aparılır və mənzil seçimi prosesi - satışı 5 sentyabr 2018-ci il tarixində başlanacaq Yasamal Yaşayış Kompleksinin 324 mənzilin seçimi ilə identikdir. Elektron kabinetə sahib olan vətəndaşların 9377 nəfər olduğunu nəzərə alaraq, sistem vasitəsilə aparılan əməliyyatlar hər gün müvafiq saatlarda yenilənərək sıfırlanır və seçim üçün təkrarən aktivləşdirilir.

“Güzəştli mənzil” sistemində elektron kabinetə yeni sahib olmuş vətəndaşlar kabinetin yaradılması ilə bağlı qərarın verildiyi tarixin növbəti günündən etibarən satış modulunun sınaq versiyasından istifadə edə bilərlər. 04.08.2018-ci il saat 16.00-dan etibarən 13.08.2018-ci il saat 00.00-dək “Güzəştli mənzil” sistemininin satış modulunun sınaq versiyasından 12 679 dəfə istifadə olunub. Sınaq versiyası vasitəsilə mənzil seçimini həyata keçirən vətəndaşların suallarını cavablandırmaq və istifadə zamanı onların üzləşdiyi texniki çətinliklərə dair müraciətləri ilə bağlı köməklik göstərmək məqsədilə MİDA tərəfindən xüsusi işçi qrup yaradılmışdır.

Mənzil seçimi prosesində vətəndaşların Elektron İmza və Asan İmzadan istifadəsi, onlayn imzalayıcı proqramının kompüterlərə yüklənməməsi və digər suallar ilə bağlı 04.08.2018-ci il tarixindən etibarən MIDA-ya və 108 Çağrı Mərkəzinə daxil olan bu müraciətlər işçi qrup tərəfindən emal olunaraq qısa zaman ərzində cavablandırılır və yaranan texniki çətinliklərin aradan qaldırılması üçün zəruri tədbirlər həyata keçirilir. Qeyd edək ki, Satış modulunun sınaq versiyasının istifadəsi və bununla bağlı göstərilən dəstək xidməti 31 avqust 2018-ci il tarixinədək davam edəcək.



SİZƏ MARAQLI OLACAQ BİR NEÇƏ MƏLUMAT


Fast: Dünyanın ən böyük və ən həssas teleskopu artıq Çində işləyir

Çin dövləti Fast adını verdikləri dünyanın ən böyük və həssas teleskopunun artıq işlədiyini bildirdi..


Microsoft-un 250 milyon istifadəçisinin özəl məlumatları sızdırılıb

Skype istifadəçilərinin danışıqlarının dinlənməsi məsələsi üzrə baş vermiş qalmaqaldan sonra Microso..


Pocophone F1 smartfonunun davamçısının adı bəlli oldu (VİDEO)

Poco brendinin Xiaomi-dən ayrılaraq müstəqil brendə çevrilməsindən sonra internetdə sözügedən brendi..


iPhone 9-un (iPhone SE 2) təqdimat tarixi məlum oldu

iPhone SE-nin davamçısının hansı ada sahib olacağı barəsində məlumatın ortaya çıxmasından sonra inte..


HarmonyOS-dan xəbər var: Telefonlar, kompüterlər və planşetlərdə istifadə olunac..

Huawei CEO-su Ren Zhengfei HarmonyOS ilə bağlı açıqlamalar verdi. ƏS-i telefonlar, kompüter və planş..


Google, Apple Safari brauzerinde 5 təhlükəli açıq aşkarladı

Google, Apple şirkətinin internet brauzeri olan Safari-də 5 təhlükəli açıq aşkarladı.